OTT Theatre Movies : ఈ వారం ఓటీటీ, థియేటర్ సినిమాలు.. బాలీవుడ్‌లో సల్మాన్, టాలీవుడ్‌లో సుప్రీమ్ హీరో

This Week OTT Theatre Movies ప్రతీ శుక్రవారం కొత్త సినిమాలు వస్తూనే ఉంటాయి. ఓటీటీ, థియేటర్లో కొత్త సినిమాలు సందడి చేస్తుంటాయి. అయితే ఈ గత వారం, ఈ వారం కూడా థియేటర్లలో సందడి కనిపించకుండా పోయింది. ఓటీటీలోనూ పెద్దగా ఇంట్రెస్ట్ ఉన్న సినిమాలేవీ రావడం లేదు ఇప్పుడు. అయితే ఈ వారం మాత్రం సల్మాన్ ఖాన్ బాలీవుడ్లో సందడి చేయబోతోన్నాడు. అదే సమయంలో తెలుగులో సాయి ధరమ్ తేజ్ రెడీగా ఉన్నాడు.

సల్మాన్ ఖాన్ వెంకటేష్ పూజా హెగ్డేలు ప్రధాన పాత్రలో నటించిన కిసీ కా భాయ్ కిసీ కా జాన్ సినిమా ఈద్ సందర్భంగా ఏప్రిల్ 21న విడుదల కాబోతోంది. అయితే సల్మాన్ ఖాన్ భారీ యాక్షన్ సీక్వెన్స్‌లు సినిమాలను నిలబెట్టలేవని ఆల్రెడీ ఇది వరకు ఎన్నో చిత్రాలు ఫ్రూవ్ చేశాయి. మితి మీరిన యాక్షన్ సీక్వెన్స్‌లు, సల్మాన్ వింత జుట్టు, వింత స్టెప్పులు ఎంతగా ట్రోలింగ్‌కు గురయ్యాయో అందరికీ తెలిసిందే.

ఇక ఈ సినిమా తెలుగులోనూ విడుదలయ్యేలా ఉంది. అయినా ఏ మాత్రం ఎఫెక్ట్ చూపించేలా కనిపించడం లేదు. ఇక ఇది కాకుండా ఏప్రిల్ 21న తెలుగు రాష్ట్రాల్లో సాయి ధరమ్ తేజ్ విరూపాక్ష సినిమా సందడి చేయనుంది. సుకుమార్ శిష్యుడు కార్తిక్ ఈ చిత్రాన్ని తెరకెక్కించడంతో అందరిలోనూ ఇంట్రెస్ట్ ఏర్పడింది. ట్రైలర్ బాగానే ఆసక్తిని పెంచేసింది. ఈ హారర్ మూవీ ఎలా ఉంటుందో చూడాలి మరి.

సింగిల్ కారెక్టర్‌తో సినిమాను నడిపించడం మామూలు విషయం కాదు. గార్గేయి హీరోయిన్‌గా సింగిల్ కారెక్టర్‌తో హలో మీరా అనే సినిమా రాబోతోంది. ఈ మూవీ ఏప్రిల్ 21న థియేటర్లో సందడి చేయనుంది. ఈ వారం ఈ మూడు సినిమాలే అంతో ఇంతో జనాలు అట్రాక్ట్ చేస్తున్నాయి. ఇక ఓటీటీలోనూ తెలుగు వాళ్లకు పరిచయమున్న, ఆసక్తికరమైన సినిమాలేవీ కనిపించడం లేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.