Samantha Naga Chaitanya: నాగచైతన్యతో ప్యాచ్-అప్‌కు సమంత రెడీ?.. ఇదిగో సాక్ష్యం!!

Samantha Naga Chaitanya: ప్రముఖ స్టార్ హీరోయిన్ సమంత.. తన సినిమాలతో పాటు వ్యక్తిగత విషయాలతో నిత్యం వార్తల్లో నిలుస్తుంటారు. సోషల్ మీడియా ద్వారా ఎప్పుడూ అభిమానులకు దగ్గరగా ఉండే సామ్.. తన విశేషాలను పంచుకుంటుూ ఉంటారు. తన ఆరోగ్యంతో పాటు అనేక విషయాలపై తన అభిప్రాయన్ని తెలియజేస్తుంటారు సమంత. అయితే సామ్ ఫ్యాన్స్ కూడా ఆమె జీవితంలో జరిగే ప్రతి విషయంపై స్పందిస్తుంటారు. కొన్నిసార్లు ఆమెకు ఓదార్చే ప్రయత్నం కూడా చేస్తారు. అయితే ప్రస్తుతం సమంత మరో విషయమై వార్తల్లో నిలిచింది. 

తన మాజీ భర్త, హీరో నాగచైతన్యతో విడాకుల తర్వాత సమంత సినిమాలపై దృష్టి పెట్టగా.. అప్పట్లో నాగచైతన్యకు సంబంధించిన ఫొటోలను ఆమె ఆర్చీవ్ లో పెట్టేసింది. అయితే ఇప్పుడు సడెన్ గా ఆ ఫోటోలు తన ఇన్ స్టాగ్రామ్ లో ఖాతాలో ప్రత్యక్షమయ్యాయి. నిన్నమొన్నటి వరకు ఆ ఫొటోలు లేకపోవడంతో విడాకుల తర్వాత ఇలాంటి పనులు సహజం అనుకున్న ఫ్యాన్స్.. ఇప్పుడు మళ్లీ తన మాజీ భర్తతో ఉన్న ఫొటోలు ప్రొఫైల్ లో కనిపించడంపై రకరకాల వార్తలు వినిపిస్తున్నాయి. తన మాజీ భర్త నాగచైతన్యతో సమంత మళ్లీ ప్యాచ్-అప్ అవుతుందా అనే వార్తలు ఇప్పుడు జోరందుకున్నాయి. 

విడాకుల తర్వాత వీరిద్దరూ చేసిన ప్రకటన..
2021 అక్టోబరులో సమంత, నాగచైతన్య విడిపోతున్నట్లు సోషల్ మీడియాలో ఉమ్మడి ప్రకటన చేశారు. "మా శ్రేయోభిలాషులందరికీ.. చాలా ఆలోచనలు, చర్చల తర్వాత సామ్ (సమంత) నేను భార్యభర్తలుగా విడిపోవాలని నిర్ణయించుకున్నాం. మా స్వంత మార్గాల్లో ప్రయాణించాలని అనుకున్నాం. దశాబ్దం పైగా మేము సన్నిహితంగా ఉన్నాం. కష్ట సమయంలో మాకు మద్దతుగా ఇవ్వాలని.. మా గోప్యతలను అభిమానులు గౌరవించాలని కోరుకుంటున్నాం. మా జీవితాల్లో విడివిడిగా ముందుకు సాగాలని నిర్ణయించుకున్నాం. మీ మద్దతుకు ధన్యవాదాలు" అని హీరో నాగచైతన్య సోషల్ మీడియాలో పోస్ట్ పెట్టారు.  

మయోసైటిస్ బాధపడుతున్న సామ్..
గత ఏడాది నుంచి మైయోసిటస్ అనే వ్యాధితో బాధపడుతున్న హీరోయిన్ సమంత.. ప్రస్తుతం తగిన చికిత్స పొందుతోంది. ఇదే విషయాన్ని ఆమె తన సోషల్ మీడియా ద్వారా వెల్లడించింది. మైయోసిటస్ అనే ఆటో ఇమ్యూన్ తో బాధపడుతున్న సామ్.. దాని నుంచి కోలుకున్న తర్వాత బయటపెట్టాలని అనుకున్నారట. అయితే ఆ వ్యాధి ఊహించనంతగా పెరిగిపోవడం వల్ల దాని గురించి బయటకు చెప్పక తప్పలేదని సామ్ పోస్ట్ పెట్టారు.   

సమంత సినిమాల విషయానికొస్తే.. ఇంతకు ముందు ఆమె నటించిన 'శాకుంతలం' సినిమా అనుకున్న స్థాయిలో మెప్పించలేక పోయింది. అయితే ఇటీవలే విజయ్ దేవరకొండ హీరోగా నటించిన 'ఖుషి' సినిమాతో పర్వాలేదనిపించింది. అయితే సినిమాలో విజయ్, సామ్ నటనకు మంచి మార్కులో పడ్డాయని చెప్పొచ్చు. సమంత, ప్రస్తుతం వరుణ్ ధావన్ తో కలిసి 'సిటాడెల్' అనే వెబ్ సిరీస్ లో నటిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.