Samantha Ruth Prabhu : ఏం తింటామో కాదు.. ఏం ఆలోచిస్తున్నామనేది ముఖ్యం!.. అవాక్కయ్యేలా చేసిన సమంత

Samantha Ruth Prabhu Workout సమంతను చూస్తూ ఉంటే పూర్తిగా కోలుకున్నట్టుగా కనిపిస్తోంది. ఇన్ని నెలలు సమంత మంచానికే పరిమితమైంది. మయోసైటిస్ వ్యాధితో సమంత బాధపడుతూ ఇంట్లోనే ఉన్న సంగతి తెలిసిందే. ఇక చికిత్స కోసం దక్షిణ కొరియాకు వెళ్లినట్టుగా కూడా రూమర్లు వచ్చాయి. కానీ ఆమె హైద్రాబాద్‌లోని తన ఇంట్లోనే ఉంది. ఐదారు నెలలు పూర్తిగా విశ్రాంతి తీసుకుంది. వైద్యుల సలహా మేరకు ఇప్పుడు సమంత బయటకు అడుగు పెట్టేసింది.

శాకుంతలం ట్రైలర్ ఈవెంట్‌లో సమంత కనిపించిన తీరుకు అంతా ఫిదా అయ్యారు. కానీ కొంత మంది మాత్రం సమంత చార్మింగ్ తగ్గిపోయిందని, అందంగా కనిపించడం లేదంటూ నెగెటివ్ కామెంట్లు చేశారు. దానిపై సమంత మండి పడింది. అలా కొన్ని నెలల పాటు బెడ్డు మీద ఉంటే.. చికిత్స తీసుకుంటే ఇంకెలా ఉంటారు.. అంటూ సమంత ఆగ్రహం వ్యక్తం చేసింది. అలా సమంతను ట్రోల్ చేయడంతో నెటిజన్లు సైతం సామ్‌కు మద్దతుగా నిలబడ్డారు.

ప్రస్తుతం సమంత అయితే సిటాడెల్ వెబ్ సిరీస్ కోసం ముంబైకి వెళ్లింది. రాజ్ అండ్ డీకే తెరకెక్కిస్తున్న ఈ ప్రాజెక్టులో వరుణ్ ధావన్‌, సమంత నటిస్తున్నారు. నెక్ట్స్ నెలలో మళ్లీ విజయ్ దేవరకొండ ఖుషి సినిమా సెట్‌లో సమంత అడుగు పెడుతుంది. అయితే అంత వరకు మళ్లీ స్ట్రాంగ్ అవ్వాలని సమంత ఫిక్స్ అయినట్టుగా ఉంది.

సరైన డైటింగ్ అంటే మనం ఏం తింటున్నామో అది కాదు.. మన ఏం ఆలోచిస్తాం.. ఎలా ఆలోచిస్తాం అనేదాన్ని బట్టి ఉంటుంది అని చెప్పుకొచ్చింది. ఇక సమంత చేస్తోన్న హెవీ వర్కౌట్లు, పుల్ అప్స్ చూస్తుంటే పూర్తిగా కోలుకున్నట్టు కనిపిస్తోంది. ఇకపై బ్రేకుల్లేకుండా సమంత తన సినిమాలను పూర్తి చేసేలా ఉంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.