షీ ఈజ్ సమంత అక్కినేని..!
టాలీవుడ్ కథానాయిక సమంత ఈ రోజు ట్విటర్‌లో తన పేరు మార్చుకున్నారు. అక్కినేని నాగచైతన్యను పెళ్లాడిన తర్వాత ఆమె ట్విటర్‌లో తన పేరును మార్చుకుని పలువురిని ఆశ్చర్యపరిచారు. నిన్నటి వరకు సమంతకు సంబంధించిన ట్విటర్‌ ఖాతాలో ఆమె పేరు ‘సమంత రుత్ ప్రభు’ అని ఉండేది. అయితే ఇదే రోజు ఆ పేరును ఆమె ‘సమంత అక్కినేని’గా ఎడిట్‌ చేశారు. అయితే ఫేస్‌బుక్ అకౌంటులో ఆమె పేరు ఇంకా సమంతా రుత్ ప్రభు అనే ఉండడం గమనార్హం. సమంత తన మామయ్య అక్కినేని నాగార్జునతో కలిసి నటించిన ‘రాజుగారి గది 2’ చిత్రం శుక్రవారం థియేటర్లలో విడుదల కానుంది. ఆట, ఛాలెంజ్ లాంటి రియాల్టీ షోలతో బుల్లితెరలో పాపులరై, జీనియస్ చిత్రంతో మెగాఫోన్ పట్టిన ఓంకార్‌ దర్శకత్వం వహించిన ఈ చిత్రంలో ఇంకా సీరత్ కపూర్, వెన్నెల కిషోర్ ప్రధాన పాత్రలు పోషించారు .