Mithunam Producer Death : టాలీవుడ్‌లో విషాదం.. మిథునం నిర్మాత మృతి

Mithunam Producer Death మిథునం సినిమాతో నిర్మాతగా తన అభిరుచిని చాటుకున్న మొయిద ఆనందరావు నేడు కన్నుమూశారు. గత కొంత కాలం నుంచి డయాబెటిస్ వ్యాధితో బాధపడుతున్న ఆయన తుది శ్వాస విడిచారు. వైజాగ్‌లోని ఓ ప్రైవేట్ ఆస్పత్రిలో చికిత్స పొందుతూ మృతి చెందారు. ఆయన మరణం పట్ల టాలీవుడ్ తీవ్ర దిగ్భ్రాంతిని వ్యక్తం చేస్తోంది. ఆయన ఆత్మకు శాంతి చేకూరాలని ఆ దేవుడ్ని ప్రార్థిస్తున్నారు. ఆయన స్వగ్రామం విజయనగరం జిల్లాలోని రేగిడి మండలం వావిలవలస.

మిథునం సినిమా తెలుగు సినిమా చరిత్రలో ఓ క్లాసిక్‌గా నిలుస్తుంది. ఎస్పీబీ, శ్రీలక్ష్మీ నటన, తనికెళ్ల భరణి దర్శకత్వం, మాటలు పాటలు ఇలా ప్రతీ ఒక్క విషయంలో మిథునం అందరినీ కదిలిస్తుంది. ముందుగా ఈ సినిమాలో ఎల్బీ శ్రీరామ్‌ను హీరోగా పెట్టి తీయాలని అనుకున్నారు. కానీ ఆ తరువాత ఎస్పీబీ తెరపైకి వచ్చిన సంగతి తెలిసిందే.

మిథునం సినిమాకు ఎన్నో అవార్డులు సైతం వచ్చాయి. అలాంటి మంచి నిర్మాత నేడు కన్నుమూయడంతో ఇండస్ట్రీ దిగ్భ్రాంతిని వ్యక్తం చేస్తోంది. ఆయన మరణం పట్ల టాలీవుడ్ ప్రముఖులు సంతాపాన్ని ప్రకటిస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.