Bigg Boss Satya : కుక్క తోక వంకర అన్నట్టుగా ఉంది.. బుద్ది మార్చుకోని శ్రీ సత్య.. నాగ్ చెప్పినా అంతేనా?

Sri Satya imitates keerthi : బిగ్ బాస్ ఇంట్లో ఇప్పుడు పదకొండో వారం నడుస్తోంది. ఇంట్లో ఇప్పుడు పది మంది కంటెస్టెంట్లున్నారు. ఈ టాప్ 10 కంటెస్టెంట్లలో ఎవరు విన్ అవుతారన్నది పక్కన పడితే.. ఏ ఒక్క కంటెస్టెంట్‌కి విన్నింగ్ అర్హత పూర్తిగా లేదనిపిస్తుంది. రేవంత్ అన్ని విధాల అర్హుడని అనుకునే సమయంలోనే తన నోటి దురుసు, కోపంతో ఉన్నదంతా చెడగొట్టేసుకుంటాడు. శ్రీహాన్ నిర్ణయాల్లో నిజాయితీ అనిపించదు. ఆదిరెడ్డి ఇన్ని రోజులు గీతక్కా అంటూ తిరగడం వల్ల తన ముద్ర వేసుకోలేకపోయాడు.

ఫైమా, శ్రీ సత్యలు అయితే వెటకారంతో ఉన్న ఇమేజ్ అంతా పోగొట్టుకుంటున్నారు. శ్రీ సత్య అయితే మరీ ముఖ్యంగా అర్జున్ విషయంలో చేసిన చేష్టలు, ఇప్పుడు శ్రీహాన్‌తో చేస్తోన్న చేష్టల మధ్య తేడా ఆమెను మరీ పాతాళానికి పడేస్తోంది. జనాలు అర్జున్ కళ్యాణ్‌ను సత్య ఎలా చూసింది.. ఎలా చీదరించుకుంది.. దూరంగా పెట్టింది.. శ్రీహాన్‌తో ఎలా ఉంటోంది అనే విషయాలను కూడా గమనిస్తున్నారు.

ఇది చాలాదన్నట్టుగా గీతూతో చేరి శ్రీ సత్య, ఫైమాలు చాలా ఓవర్ చేశారు. రెడ్ టీం అంటూ సత్య, ఫైమాలు నానా హంగామా చేశారు. ఇనయను దారుణంగా ఇమిటేట్ చేసి వెక్కిరించారు. దీనిపై వీకెండ్ ఎపిసోడ్‌లో నాగార్జున సత్యకు క్లాస్ పీకినట్టున్నాడు. కానీ అది ఆడియెన్స్‌కు చూపించలేదు. సత్య మాత్రం ఆ మాటలను బాగానే ఎక్కించుకుంది. ఇనయను ఇమిటేట్ చేశాను.. అది నచ్చలేదని నాగ్ సర్ అన్నారు కదా? నేనే ఎలిమినేట్ అయిపోతానేమో అని గీతూ ఎలిమినేషన్‌కు ముందు సత్య అనేసింది. కానీ గీతూ ఎలిమినేట్ అవ్వడంతో సత్య ఊపిరి పీల్చుకుంది.

కానీ సత్య మాత్రం తన బుద్దిని మార్చుకోవడం లేదు. కుక్క తోక వంకర అన్నట్టుగా ఇంకా వెక్కిరింపులు తగ్గించడం లేదు. నిన్నటి నామినేషన్లోనూ వెక్కిరించింది. ఇక ఇప్పుడు వదిలిన ప్రోమోలోనూ కీర్తిని మళ్లీ వెక్కిరించింది. ఇలా వెక్కిరిస్తుంటే.. ఆమే తక్కువ అవుతోందనే విషయాన్ని సత్య తెలుసుకోవడం లేదు. ఈ లెక్కన చూస్తుంటే సత్యకు ఇంటి నుంచి బయటకు వచ్చే టైం దగ్గర పడుతున్నట్టుగా కనిపిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.