Ramam Raghavam: సుకుమార్ చేతుల మీదుగా రామం రాఘవం సినిమా పాట.. ఆకట్టుకుంటున్న లిరిక్స్..!

Telisinda Nedu song from Ramam Raghavam: విలన్ గా, క్యారెక్టర్ ఆర్టిస్ట్ గా మంచి పేరు తెచ్చుకున్న తమిళ్ నటుడు సముద్రఖని ప్రధాన పాత్ర పోషిస్తున్న సినిమా రామం రాఘవం. ధనరాజ్ కోరనాని ఈ సినిమాకి దర్శకత్వం వహిస్తున్నారు. కమెడియన్గా మంచి పేరు తెచ్చుకున్న ధనరాజ్ ఈ సినిమాతో ఇప్పుడు డైరెక్టర్ గా కూడా మారబోతున్నారు. 

స్లేట్ పెన్సిల్ స్టోరీస్ పతాకంపై ప్రభాకర్ ఆరిపాక సమర్పణలో.. పృద్వి పోలవరపు ఈ సినిమాని నిర్మించారు. ద్విభాషా సినిమాగా ఈ చిత్రం త్వరలో విడుదల కోసం అవుతోంది.

తాజాగా ఇవాళ టీచర్స్ డే సందర్భంగా.. ఈ సినిమా నుండి తెలిసిందా నేడు అనే పాటను స్టార్ డైరెక్టర్ సుకుమార్ విడుదల చేశారు. ఎమోషనల్ గా సాగే ఈ మెలోడీ సాంగ్ ఇప్పుడు సోషల్ మీడియాలో అందరి దృష్టిని ఆకట్టుకుంటోంది. విడుదలైన కొద్దిసేపట్లోనే ఈ పాట ఇంటర్నెట్ లో వైరల్ అయింది. తండ్రీ కొడుకుల మధ్య ఉండే ఎమోషన్ ను క్యాప్చర్ చేస్తూ చిత్రీకరించిన ఈ పాట వీడియో అందరినీ మెప్పించింది. 

అరుణ్ చిలువేరు సంగీతం అందించిన ఈ పాటకి రామ జోగయ్య శాస్త్రి సాహిత్యాన్ని అందించారు. మోక్ష, హరీష్ ఉత్తమన్,సునీల్,  సత్య, పృద్వి,  శ్రీనివాసరెడ్డి, చిత్రం శ్రీను, ప్రమోదిని, రాకెట్ రాఘవ, రచ్చ రవి, ఇంటూరి వాసు, తదితరులు ఈ సినిమాలో కీలక పాత్రలలో కనిపించనున్నారు. ఈ చిత్రానికి విమానం దర్శకుడు శివ ప్రసాద్ యానాల కథ ను అందించగా.. మార్తాండ్ కె వెంకటేష్ ఎడిటర్ గా.. దుర్గా ప్రసాద్ ఈ సినిమాకు కెమెరామెన్ గా వ్యవహరించారు.

రామం రాఘవం సినిమాలోని పాటలు అన్నిటికీ రామజోగయ్య శాస్త్రి సాహిత్యం అందించారు. హైదరాబాద్, అమలా పురం, రాజమండ్రి, రాజోలు, చెన్నై పరిసర ప్రాంతాల్లో షూటింగ్ జరుపుకున్న ఈ సినిమా తమిళ, తెలుగు భాషలలో ఒకేసారి త్వరలో విడుదల కానుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.