Sudigali Sudheer : స్టేజ్ మీద కలిసి కలిసిన జోడి.. భాను శ్రీ పాట.. ఏడ్చిన రష్మీ.. నెటిజన్ల ట్రోలింగ్

Sudigali Sudheer Rashmi Gautam : సుడిగాలి సుధీర్, రష్మీ గౌతమ్ మధ్య ఉన్న కెమిస్ట్రీ అందరికీ తెలిసిందే. ఆన్ స్క్రీన్‌లో అయితే ఈ ఇద్దరూ దుమ్ములేపుతుంటారు. తమ మధ్య ఏదో ఉందన్నట్టుగా నటించేస్తారు. ఆన్ స్క్రీన్ రొమాన్స్, లవ్ ట్రాక్ మాత్రం బాగానే వర్కౌట్ చేస్తుంటారు. కానీ ఆఫ్ స్క్రీన్‌లో మాత్రం తాము కనీసం బెస్ట్ ఫ్రెండ్స్‌లా కూడా ఉండమని అంటుంటారు. సెట్‌లో షూటింగ్ లేకపోతే ఎవరి దారి వారిదే అన్నట్టుగా ఉంటారట. కానీ తెర మీదకు వచ్చే సరికి మ్యాజిక్ చేస్తుంటారు.

కానీ ఈ మధ్య సుధీర్ మల్లెమాలకు, ఈటీవీకి దూరంగా వెళ్లిపోయాడు. ఎక్స్ ట్రా జబర్దస్త్, ఢీ షో, శ్రీదేవీ డ్రామా కంపెనీ ఇలా అన్నింటిని వదిలేశాడు. స్టార్ మా షోకు వెళ్లాడు. అక్కడ సింగింగ్‌ షోకు హెస్ట్‌గా మారాడు. కానీ ఆ షో కూడా ముగిసిపోవడంతో ఖాళీగా ఉండాల్సి వచ్చింది. దీంతో మళ్లీ సుధీర్ మల్లెమాలకు వచ్చేశాడు. ఇంత వరకు సుధీర్ ప్లేస్‌లో శ్రీదేవీ డ్రామా కంపెనీని నడుపుతూ వచ్చింది రష్మీ.

సుధీర్ రాకతో శ్రీదేవీ డ్రామా కంపెనీకి కళ వచ్చింది. సుధీర్ రష్మీ కలిసి మరి షోను హోస్ట్ చేసినట్టు కనిపిస్తోంది. ఇదిలా ఉంటే.. భాను శ్రీ పాట పాడిన తీరు చూసి అందరూ బెంబేలెత్తిపోతోన్నారు. అసలే భాను శ్రీ గొంతు ఎలా ఉంటుందో అందరికీ తెలిసిందే. మగ వాయిస్‌లా ఎంతో గంభీరంగా ఉంటుంది.

ఆమె తన గొంతుతో ఎంతో మెలోడియస్ సాంగ్‌ను పాడేసింది. ఆ పాటను విని రష్మీ ఏడ్చేసింది. పాటలోని సోల్‌ను పట్టుకున్నావ్.. కనిపించింది.. అంటూ భాను శ్రీ పాటను పొగిడేసింది ఇంద్రజ. ఇక ఆ పాట విని రష్మీ కన్నీరుమున్నీరైంది. రష్మీని సుధీర్ ఓదార్చేశాడు. ఆమెను స్వయంగా స్టేజ్ మీదకు పట్టుకొచ్చేశాడు.

ఇక భాను శ్రీ పాట మీద మాత్రం నెట్టింట్లో దారుణమైన ట్రోలింగ్ నడుస్తోంది. పాటను కూనీ చేశావ్ కదా? అంటూ కౌంటర్లు వేస్తున్నారు. మరి మల్లెమాలకు మాత్రం ఇదేం పైత్యమో తెలియడం లేదంటూ సెటైర్లు వేస్తున్నారు. మొత్తానికి ఈ ప్రోమోలో మాత్రం నూకరాజు పర్ఫామెన్స్ మాత్రం అదిరిపోయింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.