Upendra UI Twitter Review: కొంచెం కొత్తగా.. మూర్ఖులకు మాత్రమే సినిమా.. యూఐ ట్విట్టర్ రివ్యూ

UI Twitter Review: కొత్తదనం చూపించడంలో ఉపేంద్ర ఎప్పుడు ముందుంటారు. అయితే ఆయన కొట్టదనం కొంతమంది అసలు జీవించుకోలేరు. ఇప్పుడు ఉపేంద్ర దర్శకత్వంలో వచ్చిన యుఐ సినిమా కూడా ఇలానే ఉంది అని అంటున్నారు ప్రేక్షకులు. ఈ చిత్రం ఈరోజు విడుదల అవ్వగా.. ఈ సినిమా మొదట్లో వచ్చిన హెచ్చరికను చూసి అందరూ ఆశ్చర్యపోయారు.  మీరు మీరే తెలివైన వాళ్లు అనుకుంటే, ఈ సినిమాను చూడకండి, థియేటర్ నుంచి వెళ్లిపోతే మంచిదంటూ వార్నింగ్ ఇచ్చాడట. ఏకంగా మీరు మూర్ఖులు.. అయితే మాత్రమే ఈ సినిమా చివరి వరకు చూడండి అనే మెసేజ్ వేశారు ఈ హీరో.

ఈ నేపథ్యంలో ఉపేంద్ర ధైర్యం ఏమిటి? అసలు సినిమా కాన్సెప్ట్ ఎలా ఉంది?  ఈ సినిమా గురించి జనాలు ఏం చెప్పుకుంటున్నారు అన్నది చూద్దాం.

కథ విషయానికి వస్తే..యూ అండ్ ఐ.. పగలు, రాత్రి.. కల్కి భగవాన్ వర్సెస్ సత్య (ఉపేంద్ర) అనే కాన్సెప్ట్ తో ఈ సినిమా సాగుతుందని, ఈ చిత్రం మొత్తం ఉపేంద్ర వన్ మెన్ షో అని అంటున్నారు.. ఈ సినిమా చూసిన ప్రేక్షకులు. వింటేజ్ ఉపేంద్ర బ్యాక్ అని, అదరగొట్టేశాడని కొంతమంది కామెంట్లు పెడుతున్నారు. మిగతా డైరెక్టర్ల మాదిరి కాదని.. టోటల్ డిఫరెంట్ అని ఉప్పి దుమ్ములేపేశాడని అంటున్నారు.

ముఖ్యంగా ఫస్ట్ హాఫ్ చూసిన ఎంతోమంది.. ఈ సినిమా బోర్ గా ఉందని.. అయినా కానీ డిఫరెంట్ గా ఉంది అని అంటున్నారు. కొంచెం కొత్తగా, కొంచెం చెత్తగా ఉంది అనే కామెంట్లు ఎక్కువగా వినిపిస్తున్నాయి . ఇక ఇంట్రవెల్స్ ముందు వచ్చే ఉపేంద్ర డైలాగ్ కాస్త ప్రస్తుతం వైరల్ గా మారింది. 

మరి కొంతమంది ఈ సినిమాని అర్థం చేసుకోవాలంటే.. మనకు చాలా తెలివి ఉండాలి అని అంటున్నారు. అంతేకాదు చాలామంది అసలు ఈ సినిమాకి రేటింగ్ అనేది ఇవ్వలేమని ట్విట్టర్లో కామెంట్లు పెట్టడం గమనర్హం. మొత్తం మీద ఈ సినిమా బాక్స్ ఆఫీస్ దగ్గర.. తెలివైన వాళ్లు ఎక్కువగా ఉన్నారని రుజువు చేస్తుందా.. మూర్ఖులు ఎక్కువగా ఉన్నారని రుజువు చేస్తుందా చూడాలి అంటే మరి కొద్ది రోజులు వేచి చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.