Vishwak Sen: సరికొత్త జానర్ లో విశ్వక్ సేన్.. అతని కోసమేనా..?

Vishwaksen Anudeep Movie: ప్రముఖ డైరెక్టర్ గా, నటుడిగా తనకంటూ మంచి ఇమేజ్ దక్కించుకున్నారు మాస్ కా దాస్ విశ్వక్ సేన్. ఇకపోతే తాజాగా ఈయన నటించిన చిత్రం మెకానిక్ రాకీ. ప్రపంచవ్యాప్తంగా విడుదలై మోస్తరు విజయాన్ని సొంతం చేసుకుంది. ఇక ఈ సినిమాకి ప్రేక్షకుల నుండి మిక్స్డ్ టాక్ లభిస్తుండడంతో ఈ సినిమా వీకెండ్ పై కన్నేసింది అని చెప్పవచ్చు. ఇకపోతే ఈ సినిమా రిలీజ్ వేళ ఇప్పుడు విశ్వక్ నెక్స్ట్ మూవీకి సంబంధించిన ఒక వార్త ఫిలిం సర్కిల్లో చక్కర్లు కొడుతోంది. 

చాలా రోజుల క్రితమే విశ్వక్సేన్ తన 14వ సినిమాను అఫీషియల్ గా అనౌన్స్ చేసిన విషయం తెలిసిందే. జాతి రత్నాలు దర్శకుడు అనుదీప్ కె.వి దర్శకత్వం వహించనున్న ఈ కాంబినేషన్ నవ్వుల వర్షం క్రియేట్ చేయబోతోంది అని తెలిపారు. పీపుల్ మీడియా ఫ్యాక్టరీ పై విజినరీ నిర్మాత టీజీ విశ్వప్రసాద్ ఈ సినిమాను చాలా గ్రాండ్ నిర్మించనున్నారు. 

ఇకపోతే ఇప్పటికే లైలా అనే సినిమాలో నటిస్తున్నారు విశ్వక్ సేన్. ఇందులో లేడీ గెటప్ లో ఆయన కనిపించబోతున్నారు. ఇక ఈ సినిమా తర్వాత మరో రెండు ప్రాజెక్టులకు ఆయన గ్రీన్ సిగ్నల్ ఇచ్చారు. అందులో ఒకటి జాతి రత్నాలు దర్శకుడు అనుదీప్ తో సినిమా వుంది. 

ఎప్పుడూ మాస్ పర్ఫామెన్స్ తో అదరగొట్టే ఈయన ఇప్పుడు హిలేరియస్ ఎంటర్టైన్మెంట్ ఇవ్వడానికి సిద్ధమయ్యారు.ఈ సినిమాకి టాప్ టెక్నీషియన్లు పనిచేస్తున్నారట. ఈ సినిమాకు ఫంకీ అనే టైటిల్ ని కూడా లాక్ చేసినట్లు సమాచారం. ఈ సినిమాని సితార ఎంటర్టైన్మెంట్స్ బ్యానర్ ప్రొడ్యూస్ చేయబోతుందని సమాచారం. 

ఇకపోతే ఈ సినిమాకు సంబంధించిన అధికారిక ప్రకటన ఇంకా వెలువడ లేదు కానీ ఇండస్ట్రీలో వినిపిస్తున్న వార్తలు ఇవి . త్వరలోనే విశ్వక్ సేన్ ఈ సినిమాతో ప్రేక్షకుల ముందుకు రాబోతున్నట్లు సమాచారం. వాస్తవానికి ఎప్పుడు మాస్, యాక్షన్, లవ్, రొమాంటిక్ చిత్రాలతో ప్రేక్షకులను అలరించిన ఈయన..ఇప్పుడు తొలిసారి కామెడీ జోనర్ ల్లోకి అడుగుపెట్టబోతున్నారు మరి ఎలా ఆకట్టుకుంటారో చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.