VJ Jayathi : దుమ్ములేపిన నాటి వీజే జయతి.. ‘నా ఫ్రెండ్‌దేమో పెళ్లి..’ అంటూ సందడి

Na Friendhemo Pelli Music Album ఇప్పుడు ప్రైవేట్ ఆల్బమ్స్ ఎక్కువగా ట్రెండ్ అవుతోంది. అందరూ ఈ ప్రైవేట్ ఆల్బమ్స్, ఫోక్ సాంగ్స్, ఇండిపెండెంట్ మ్యూజిక్ మీద ఫోకస్ పెడుతున్నారు. ఓ చిన్న సినిమాకు ఎంత అయితే బడ్జెట్ పెడతారో.. అంత బడ్జెట్‌తో ఒక పాటను గ్రాండ్‌గా తెరకెక్కిస్తున్నారు. ఇందులో నివృతి వైబ్స్ చాలా ముందుంది. అత్యుత్త‌మ‌మైన ప్రొడ‌క్ష‌న్ వేల్యూస్‌తో ఆడియో, విజువ‌ల్ కంటెంట్‌ను అందించ‌టంలో ఎప్ప‌టిక‌ప్పుడు త‌న‌కు తానే బెస్ట్ అనిపించుకుంటోంది నివృతి వైబ్స్. ఇప్పుడు ఈ సంస్థకు ప్రేక్ష‌కుల మ‌న‌సుల్లో ప్ర‌త్యేక‌మైన స్థానం ఏర్పడింది. 

నివృతి వైబ్స్ నుంచి రీసెంట్‌గా వచ్చిన గంగులు, జరీ జరీ పంచెకట్టి పాటలు ఎంతగా ట్రెండ్ అయ్యాయో అందరికీ తెలిసిందే. గ‌డిచిన రెండేళ్ల‌లో తెలుగు, హిందీ, త‌మిళ్‌, క‌న్న‌డ భాష‌ల్లో నివృతి సంస్థ 50కి పైగా మ్యూజిక్ వీడియో సాంగ్స్‌ను అందించింది నివృతి వైబ్స్. సిల‌క ముక్కుదానా, జంజీరే, వ‌ద్ద‌న్నా గుండెల్లో సేరి వంటి పాట‌లు కూడా బాగానే వైరల్ అయ్యాయి.

ఇప్పుడు నివృతి వైబ్స్ నుంచి మ‌రో తెలంగాణ జాన‌ప‌ద పాటను రిలీజ్ చేశారు. ఒకప్పుడు బుల్లి తెరపై వెన్నెల ప్రోగ్రామ్‌తో తిరుగులేని క్రేజ్‌, ఇమేజ్‌ను ద‌క్కించుకున్న జ‌య‌తి మళ్లీ కొత్తగా కనిపించింది. ‘నా ఫ్రెండ్‌దేమో పెళ్లి..’ అంటూ సాగే ఈ పాటలో జయతి ప్రధానంగా కనిపించింది. ఈ సాంగ్‌లో అద్భుత‌మైన ఎక్స్‌ప్రెషన్స్, డ్యాన్స్ మూమెంట్స్‌తో ఆకట్టుకుంది.

అసలే ఇప్పుడు భీమ్స్ మంచి ఫాంలో ఉన్నాడు. అలాంటి మ్యూజిక్ డైరెక్టర్‌కు కాసర్ల శ్యాం వంటి లిరిసిస్ట్ తోడయ్యాడు. దీంతో ఈ పాట ఇప్పుడు చార్ట్ బస్టర్‌గా మారింది. శ్రావణ భార్గవి అద్భుతంగా పాడింది. భాను మాస్ట‌ర్ కొరియోగ్ర‌ఫీ బాగుంది. జ‌య‌తి విజ‌న్స్ స‌మ‌ర్ప‌ణ‌లో శ్రీకోనేటి ఈ పాట‌ను డైరెక్ట్ చేశాడు.

శేఖ‌ర్ మాస్ట‌ర్‌, భీమ్స్ సిసిరోలియో, శ్రావణ భార్గవి, లహరి షారి, షణ్ముఖ్ జశ్వంత్, సుద్దాల అశోక్ తేజ, విష్ణు ప్రియ, హారిక నారాయ‌ణ్‌, దేత్తడి హారిక, మానస్, అనన్య భట్, రాజ్యలక్ష్మి, మధు ప్రియ, సాకేత్ కొమందూరి వంటి టాలెంటెడ్ ఆర్టిస్టులు, టెక్నీషియన్స్‌తో నివృతి వైబ్స్  కలిసి పని చేసిన సంగతి తెలిసిందే. 2024 పూర్త‌య్యేస‌రికి 150 సాంగ్స్ చేయడమే లక్ష్యంగా నివృతి వైబ్స్ పని చేస్తోంది.

పాటను రిలీజ్ చేసిన అనంతరం జేడీ చక్రవర్తి  తన స్టైల్లో స్పీచ్ ఇచ్చాడు. నివృతి అంటే సంతోషం అని, జయతి గ్యాప్ తీసుకోవడం వల్లే ఈ పాట చేయగలిగిందని అన్నాడు. ఇక ఈ పాటలోని వీడియోలో పెళ్లిలో పెళ్లి కొడుకు పెళ్లి కూతురిని కాకుండా.. డ్యాన్స్‌ చేస్తున్న జయతిని చూడటమే విశేషమంటూ తన స్టైల్లో నవ్వులు పూయించాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.