KCPD Video Song: అథర్వ ‘కేసీపీడీ’ వీడియో సాంగ్.. అదిరిపోయిన మాస్ స్టెప్పులు

Atharva Movie Updates: క్రైమ్ సస్పెన్స్ థ్రిల్లర్‌ జోనర్‌లో మూవీ అంటే ఆడియన్స్‌కు ఆసక్తి ఉంటుంది.  క్లూస్ టీమ్, ఫోరెన్సిక్ డిపార్ట్‌మెంట్లు పడే కష్టాన్ని తెరపై చూపిస్తూ రూపొందిన మూవీ అథర్వ. సస్పెన్స్, క్రైమ్ బ్యాక్‌డ్రాప్‌లో తెరకెక్కినా.. అన్ని రకాల ఎమోషన్స్‌తో డైరెక్టర్ మహేష్ రెడ్డి ఈ సినిమాను తెరకెక్కించారు. పెగ్గో ఎంటర్‌టైన్‌మెంట్స్ బ్యానర్‌పై సుభాష్ నూతలపాటి నిర్మించారు. కార్తీక్ రాజు, సిమ్రాన్ చౌదరి, ఐరా  హీరోహీరోయిన్లుగా యాక్ట్ చేశారు. ఇటీవల రిలీజ్ అయిన ట్రైలర్‌కు ఆడియన్స్ నుంచి మంచి రెస్పాన్స్ వచ్చింది. అన్ని కార్యక్రమాలను పూర్తి చేసుకున్న ఈ మూవీ డిసెంబర్ 1న థియేటర్లలో సందడి చేయనుంది. 

రిలీజ్ డేట్ దగ్గర పడుతుండడంతో మేకర్స్ ప్రమోషన్ కార్యక్రమాలను షురూ చేశారు. తాజాగా ఈ మూవీ నుంచి మరో మంచి బీట్ ఉన్న వీడియో పాటను రిలీజ్ చేశారు. కేసీపీడీ అంటూ సాగే ఈ పాట అదిరిపోవడంతో సినీ ప్రియుల నుంచి మంచి రెస్పాన్స్ వస్తోంది. ఊరి వాతావరణంలో ఎంతో సహజంగా ఈ పాటను రూపొందించారు. భాను మాస్టర్ కొరియోగ్రఫీ అందించగా.. శ్రీ చరణ్ పాకాల బాణీ గాత్రం ఈ పాట వినసొంపుగా ఉంది. కిట్టూ విస్సాప్రగడ సాహిత్యం కట్టిపడేస్తోంది.

రీసెంట్‌గా పోలీస్ డిపార్ట్‌మెంట్‌లోని క్లూస్, ఫోరెన్సిక్ విభాగానికి స్పెషల్ షో వేయగా.. మంచి రెస్పాన్స్ వచ్చింది. పోలీస్ డిపార్ట్‌మెంట్‌లో ఈ క్లూస్ టీమ్ ఎంత ప్రముఖమైందో ఈ సినిమాలో చూపించారని మెచ్చుకున్నారు. తమకు చాలా సంతోషంగా ఉందని.. చాలా నచ్చిందని చెప్పారు. తమ డిపార్ట్‌మెంట్ వాళ్లని హీరోల్లా చూపించారని అభినందించారు. తమ కష్టాన్ని ప్రజలు అందరికీ తెలిసేలా తీసిన ఈ సినిమా పెద్ద విజయాన్ని సాధించాలని వారు కోరుకున్నారు. ఆరంభం నుంచి ఆఖరి వరకు ఉత్కంఠభరితంగా ఉందన్నారు. క్రైమ్ సీన్ ఆఫీసర్ అంటే అథర్వలో కార్తీక్ రాజులా ఉండాలనేలా చూపించారని కొనియాడారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.