తెలుగు సూపర్ స్టార్ మహేష్ బాబుకు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పుకోవాల్సిన అవసరం లేదు. అన్నివర్గాల్లోనూ అన్ని వయసుల వాళ్లకూ మహేష్ బాబు అంటే ఎనలేని అభిమానం. అలాగే ఓ 106 ఏళ్ల బామ్మకు కూడా మహేష్ బాబు అంటే ఎంతో క్రేజ్. ఆ బామ్మ గురించి, ఆమెకు తనపై ఉన్న అభిమానం గురించి తెలుసుకున్న మహేష్ బాబు.. మహర్షి సినిమా సెట్స్‌లోనే ఆమెను కలిసినట్టు తెలుస్తోంది. స్వయంగా మహేష్ బాబు అధికారిక యూట్యూబ్ ఛానెల్ ద్వారా పంచుకున్న ఓ వీడియోలో మహేష్ బాబు ఆ బామ్మను కలిసి ఆప్యాయంగా ముచ్చటిస్తున్న దృశ్యాన్ని చూడవచ్చు. ఆ బామ్మ సైతం మహేష్ బాబుని చూసి ఎంతో సంబరపడుతున్న వైనాన్ని కూడా వీడియోలో చూడవచ్చు.