విడుదలైన తొలిరోజే బాక్సాఫీస్ వద్ద రూ.50 కోట్ల రూపాయలను వసూలు చేయగల చిత్రం త్వరలోనే థియేటర్ల ముందుకు రావడానికి సిద్ధంగా వుంది. అదే.. ఆమిర్ ఖాన్ నటించిన ‘థగ్స్‌ ఆఫ్‌ హిందుస్తాన్‌’. మరో ఆసక్తికరమైన విషయం ఏమిటంటే.. తొలిసారి అమితాబ్ బచ్చన్, ఆమిర్‌లు కలిసి ఈ చిత్రంలో నటిస్తున్నారు.


COMMERCIAL BREAK
SCROLL TO CONTINUE READING

ఈ ఏడాది దీపావళి సందర్భంగా సినిమాను విడుదల చేయాలనుకుంటున్న చిత్ర యూనిట్.. ప్రచారంలో భాగంగా సోమవారం టైటిల్‌ లోగో మోషన్‌ పోస్టర్‌ను రిలీజ్‌ చేసింది. తాజాగా సినిమాలో అమితాబ్‌ బచ్చన్ లుక్‌ను విడుదల చేశారు. ఈ సినిమాలో అమితాబ్‌ ఖుదాబక్ష పాత్రలో కనిపిస్తారు. అమితాబ్‌ బచ్చన్ లుక్‌ను ఆమిర్ తన ట్విట్టర్ ద్వారా అభిమానులతో పంచుకున్నాడు.



 


బాలీవుడ్‌లో మిస్టర్ ఫర్ఫెక్షనిస్ట్‌గా గుర్తింపు తెచ్చుకున్న ఆమిర్ ఖాన్, బిగ్‌‌ బి అమితాబ్‌ బచ్చన్‌ ప్రధాన పాత్రల్లో తెరకెక్కుతున్న చిత్రం 'థగ్స్ ఆఫ్ హిందుస్థాన్'. విజయ్‌ కృష్ణ ఆచార్య దర్శకత్వం వహిస్తున్న ఈ సినిమాను యష్ రాజ్‌ ఫిలింస్‌ నిర్మిస్తోంది. 1839 కాలం నాటి ఫిలిప్‌ మెడోస్‌ టేలర్‌ నవల ‘కన్ఫెషన్స్‌ ఆఫ్ థగ్’ ఆధారంగా తెరకెక్కుతున్న ఈ సినిమాలో కత్రినా కైఫ్‌, ఫాతిమా సనా షేక్‌, రోనిత్‌ రాయ్‌లు కీలక పాత్రల్లో నటిస్తున్నారు.