Anti Aging Tips: వృద్ధాప్యంలో కూడా ఎలా యవ్వనంగా కనిపించాలి?

Reduce Premature Skin Aging: 40 ఏళ్ల తర్వాత, మహిళల శరీరంలో అనేక హార్మోన్ల మార్పులు జరుగుతాయి. ఇవి చర్మంపై కనిపించే మార్పులకు దారితీస్తాయి. ఈ మార్పులను పూర్తిగా నివారించలేము కానీ ఆరోగ్యకరమైన ఆహారం, జీవనశైలి అలవాట్ల ద్వారా వాటిని నెమ్మది చేయవచ్చు. చర్మాన్ని యవ్వనంగా కనిపించేలా చేయవచ్చు. అయితే ఎలాంటి ఆహారపదార్థాలు తీసుకోవాలి అనేది మనం తెలుసుకుందాం. 

ఆరోగ్యకరమైన చర్మం,  వృద్ధాప్య సంకేతాలు రాకుండా ఉండాలి అంటే పోషకరమైన ఆహారపదార్థాలను తీసుకోవాల్సి ఉంటుందని ఆరోగ్యనిపుణులు చెబుతున్నారు. అందులో ముఖ్యంగా ప్రోటీన్లు, విటమిన్లు, మినరల్స్‌, పాల ఉత్పత్తులు, పండ్లు, ఆకుకూరలు పుష్కలంగా ఉండే ఆహారాన్ని తీసుకోవాల్సి ఉంటుంది. వీటితో పాటు యాంటీఆక్సిడెంట్లు పుష్కలంగా ఉండే ఆహారాలు, ముఖ్యంగా బెర్రీలు, డార్క్ చాక్లెట్, టమోటాలు, బ్రోకలీ వంటివి తీసుకోవాలి. అలాగే డీహైడ్రేషన్‌ చర్మాన్ని పొడిగా , ముడతలుగా మార్చతుంది. కాబట్టి శరీరానికి కావాల్సిన నీరును తీసుకోవాల్సి ఉంటుంది. అలాగే అధిక చెక్కర , ఆల్కహాల్‌ కలిగిన జ్యూస్‌లు తీసుకోవడం ఆరోగ్యానికి మంచిది కాదని నిపుణులు చెబుతున్నారు. ఇవి చర్మానికి హాని కలిగిస్తాయి. అనారోగ్య సమస్యలకు కారణం అవుతాయి. 

ప్రతిరోజు  7-8 గంటల నిద్ర పొందండి. నిద్ర లేకపోవడం వల్ల చర్మం ముదురుగా మారుతుంది. కళ్ళ చుట్టూ వృత్తాలు ఏర్పడతాయి. కాబట్టి మీరు శరీరానికి కావాల్సిన నిద్ర పోవడం చాలా అవసరం. అలాగే వారానికి కానీసం 30 నిమిషాల పాటు మితమైన వ్యాయామం చేయండి. వ్యాయామం రక్త ప్రసరణను మెరుగుపరుస్తుంది.  చర్మానికి ఆక్సిజన్‌ను అందిస్తుంది. అలాగే ధూమపానవం అలవాట్లు ఉంటే వెంటనే మానుకోవాల్సి ఉంటుంది. లేదంటే చర్మానికి ముడతలు కలుగుతాయి. అలాగే ప్రతిరోజూ SPF 30 లేదా అంతకంటే ఎక్కువ SPF ఉన్న సన్‌స్క్రీన్‌ను వాడండి. సూర్యరశ్మి చర్మానికి ముడతలు,  వయస్సు మచ్చలకు కారణమవుతుంది.

ఫేషియల్స్ చర్మాన్ని శుభ్రం చేయడానికి మృత చర్మ కణాలను తొలగించడానికి సహాయపడతాయి. రెటినోల్ ఒక రకమైన విటమిన్ A, ఇది చర్మాన్ని మందంగా చేయడానికి ముడతలను తగ్గించడానికి సహాయపడుతుంది.ఎక్స్‌ఫోలియేషన్ చర్మాన్ని శుభ్రం చేయడానికి  మృత చర్మ కణాలను తొలగించడానికి సహాయపడుతుంది.మేకప్ తీయడానికి ముందు మీ ముఖాన్ని ఎల్లప్పుడూ శుభ్రం చేసుకోండి.

ఒత్తిడి చర్మానికి హానికరం. యోగా, ధ్యానం లేదా లోతైన శ్వాస వంటి ఒత్తిడిని నిర్వహించడానికి ఆరోగ్యకరమైన మార్గాలను కనుగొనండి.మీ చర్మ రకానికి సరిపోయే సున్నితమైన క్లెన్సర్, మాయిశ్చరైజర్‌ను ఉపయోగించండి. వారానికి ఒకటి లేదా రెండుసార్లు ఎక్స్‌ఫోలియేట్ చేయండి. ఈ చిట్కాలను అనుసరించడం వల్ల మీ చర్మాన్ని యవ్వనంగా, ఆరోగ్యంగా ఉంచడంలో సహాయపడుతుంది. 40 ఏళ్ల తర్వాత కూడా అందంగా కనిపించడానికి ఎప్పుడూ ఆలస్యం కాదు!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.