Dove, Tresemme shampoo causing cancer: ఆధునిక కాలంలో ఏ ప్రోడక్ట్ వాడితే ఏమవుతుందో? అనే టెన్షన్ అందరిలో నెలకొంటోంది. సరిగ్గా ఇలాంటి భయాల మధ్యనే తన డ్రై షాంపూ ఉత్పత్తులైన డవ్, నెక్సస్, ట్రెస్మె, టిగీ, సువావేలలో క్యాన్సర్ కారక కెమికల్ ఉందని హిందుస్థాన్ యునిలీవర్ గుర్తించడం షాక్ కలిగిస్తోంది. ఈ దెబ్బతో మార్కెట్ నుంచి భారీగా వాటిని సంస్థ రీకాల్ చేసింది. ఏరోసోల్ డ్రై షాంపూ ప్రొడక్టులు ప్రమాదకరమని, వాటిని వాడొద్దని వినియోగదారులను కూడా హెచ్చరించింది.


COMMERCIAL BREAK
SCROLL TO CONTINUE READING

యూనిలీవర్‌కు చెందిన అనేక షాంపూ బ్రాండ్లలో బెంజీన్ అనే  క్యాన్సర్‌కు కారణమయ్యే ప్రమాదకరమైన రసాయనం కనుగొనబడింది. డోవ్, నెక్సస్, సువే, టిగి సహా ట్రెసెమ్మె ఏరోసోల్‌లతో సహా US మార్కెట్ నుండి కంపెనీ అనేక డ్రై షాంపూలను రీకాల్ చేసింది. శుక్రవారం ఫుడ్ అండ్ డ్రగ్ అడ్మినిస్ట్రేషన్ వెబ్‌సైట్‌లో పోస్ట్ చేసిన నోటీసు ప్రకారం, యునిలీవర్ ఉత్పత్తులు అక్టోబర్ 2021కి ముందు తయారు చేయబడ్డాయని అవన్నీ  ప్రపంచవ్యాప్తంగా ఉన్న రిటైలర్‌లకు కూడా సరఫరా చేయబడ్డాయని, ఈ ఉత్పత్తుల్లో క్యాన్సర్ కారక రసాయనం కనుగొనడంతో, కంపెనీ దానిని రీకాల్ చేస్తోందని పేర్కొంది.


గత ఏడాదిన్నర కాలంలో అనేక ఏరోసోల్ సన్‌స్క్రీన్‌లు మార్కెట్ నుండి రీకాల్ చేయబడ్డాయి.  ముఖ్యంగా జాన్సన్ & జాన్సన్స్ న్యూట్రోజెనా, ఎడ్జ్‌వెల్ పర్సనల్ కేర్ కంపెనీ యొక్క బనానా బోట్, బీర్స్‌డార్ఫ్ AG యొక్క కాపర్‌టోన్ వంటి అనేక ఏరోసోల్ సన్‌స్క్రీన్‌లు, అలాగే ప్రోక్టర్ & గాంబుల్ కంపెనీ వంటి స్ప్రే-ఆన్ యాంటీపెర్స్పిరెంట్‌ల గురించి ఇక ఇలాంటి నివేదికలు ఉన్నాయి. 
డ్రై షాంపూ అంటే ఏమిటి?


ఈ డ్రై షాంపూ అంటే ఒక పౌడర్ లేదా స్ప్రే లాంటిది. ఈ ఉత్పత్తులు సాధారణంగా జుట్టును తడి చేయకుండా శుభ్రం చేయడానికి ఉపయోగిస్తారని అంటున్నారు. క్లీవ్‌ ల్యాండ్ అనే ఒక హెయిర్ క్లినిక్ ప్రకారం, ఈ ఆల్కహాల్ లేదా స్టార్చ్ ఆధారిత స్ప్రేలు జుట్టు నుండి జిడ్డు మరియు నూనెను తొలగిస్తాయట. అయితే కొన్ని డ్రై షాంపూలలో ఏరోసోల్ స్ప్రే ఉంటుంది, కొన్నింటిలో జుట్టు రంగుకు సరిపోయేలా పౌడరే లేతరంగులో ఉంటుందట. 


అంతేకాదు FDA తన రీకాల్ నోటీసులో బెంజీన్ అనేక విధాలుగా మానవ శరీరంలోకి ప్రవేశిస్తుందని ఇది వాసన అంటే ముక్కు ద్వారా, నోటి ద్వారా, చర్మం ద్వారా శరీరంలోకి ప్రవేశిస్తుందని, లుకేమియా మరియు బ్లడ్ క్యాన్సర్‌కు దారి తీస్తుందని హెచ్చరించింది. అంతేకాక ప్రజలు తమ డబ్బును తిరిగి పొందడానికి ఇటువంటి ఉత్పత్తులను ఉపయోగించడం మానేసి UnileverRecall.com వెబ్‌సైట్‌ను సందర్శించాలని FDA ప్పేర్కొంది. 


Also Read: Producer’s Master Plan: హేమాహేమీలతో అఖిల్ ఢీ కొట్టడానికి రెడీ అయ్యింది అందుకేనా.. మస్త్ ప్లాన్ ఇది!


Also Read: Veera Simha Reddy story leaked: రొటీన్ రొట్ట స్టోరీనా.. మరి అంత ధైర్యం ఎందుకబ్బా?



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


Android Link - https://bit.ly/3P3R74U


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook