దేశంలో ఒక్కరోజులో 19,459 కరోనా కేసులు, 380 మంది మృతి

దేశంలో కరోనా వైరస్(COVID19 cases in India) రోజురోజుకూ విజృంభిస్తోంది. ఎన్ని నియంత్రణ చర్యలు తీసుకున్నా కరోనా కేసులు పెరుగుతున్నాయి తప్ప తగ్గడం లేదు. గడిచిన 24 గంటల్లో భారత్‌లో 19,459 కరోనా పాజిటివ్‌ కేసులు(CoronaVirus Cases) నమోదయ్యాయి. కాగా ఒకరోజు నమోదైన కేసుల్లో దేశంలో ఇప్పటివరకూ ఇది రెండో అత్యధికం కావడం విచారకరం. ‘ఊపిరి ఆడటం లేదు.. బై డాడీ’ కరోనా పేషెంట్ చివరి వీడియో

అదే సమయంలో గత 24 గంటల్లో దేశంలో 380 మంది కరోనాతో మరణించారు. తాజా మరణాలతో కలిపి దేశంలో ఇప్పటివరకూ కోవిడ్ బారినపడి చనిపోయిన వారి సంఖ్య 16,475కు చేరుకుంది. దేశంలో మొత్తం 5,48,318 కరోనా పాజిటివ్ కేసులు(India COVID19 Cases) నమోదు కాగా, అందులో చికిత్స అనంతరం 3,21,723 మంది ప్రాణాంతక కరోనా వైరస్ బారి నుంచి కోలుకున్నారు. ప్రస్తుతం 2,10,120 మంది ఆస్పత్రులలో కోవిడ్19కు చికిత్స పొందుతున్నారు. విషాదం: పెళ్లి తంతు ముగిసేలోగా వధువు మృతి