Voting Ink History - Lok Sabha Elections 2024: భారత దేశం ప్రపంచంలోనే అతిపెద్ద ప్రజాస్వామ్య దేశం. ఇక్కడ ఓటు వేసిన ప్రతి ఒక్క ఒటరు వేలిపై సిరా చుక్కా పెడతారు. మనం ఓటు వేశామనే దానికి సిరా చుక్కను ఓ గుర్తు మాత్రమే కాదు.. దొంగ ఓట్లు వేయకుండా చెక్ పెట్టే మిస్సైల్ అని చెప్పాలి. దీని ద్వారా ఓటరు మళ్లీ మళ్లీ ఓటు వేయడానికి రిగ్గింగ్‌కు పాల్పకుండా ఉండటానికి ఈ సిరా చుక్కా వీలు కల్పిస్తోంది.  ఈ ఎలక్టోరల్ ఇంక్ ఓటింగ్‌లో మోసాల నుంచి రక్షించడానికి పనికొస్తోంది. ఇక ఎన్నికల్లో యూజ్ చేసే సిరాను చెరగని సిరా అంటారు. ఒకసారి వేలిపై సిరా పడితే..కొన్ని వారాల పాటు చెరిగిపోదు. అసలు ఈ సిరా చుక్కా తొలిసారి ఏ ఎన్నికల్లో ఉపయోగించారు. అది ఎందుకు చెరిగిపోదు.. దీని ప్రత్యేకతల విషయానికొస్తే...


COMMERCIAL BREAK
SCROLL TO CONTINUE READING

ఎన్నికల్లో వాడే సిరాను కర్ణాటక రాష్ట్రం మైసూర్‌కు చెందిన మైసూర్ పెయింట్స్ అండ్ వార్నిష్ లిమిటెడ్ (MPVL) అనే కంపెనీ తయారు చేస్తోంది. 1962లో సిరాను ప్రొడ్యూస్ చేయడానికి ఈ కంపెనీకి అప్పటి సెంట్రల్ గవర్నమెంట్ అనుమతులు ఇచ్చింది. నేషనల్ ఫిజికల్ లెబోరేటరీస్ ఫార్ములాతో సిరా ఉత్పత్తి బాధ్యతలను ఈ కంపెనీకి ఇచ్చారు. అప్పటి నుంచి మొదలు పెడితే.. దేశంలో ఎక్కడ ఎన్నికలు జరిగినా.. ఈ కంపెనీయే సిరాను సరఫరా చేస్తోంది. ఒక బాటిల్ సిరా ధర సుమారు రూ. 127 ఉంటుంది. ఒక సీసాలో 10ml సిరా ఉంటుంది. ఒక లీటర్ ఎన్నికల సిరా ధ రూ. 12, 700 ఉంటుంది.


ఈ సిరాలో 7.25 శాతం సిల్వర్ నైట్రేట్ ఉండటం వలన ఈ సిరా వేసిన వెంటనే చెరిగిపోదు. 2006 ఫిబ్రవరి 1 నుంచి ఓటరు ఎడమ వేలు చూపుడు వేలు గోరు పైభాగం నుంచి కింది వరకు సిరా గుర్తు వేస్తున్నారు. అంతకు ముందు గోరు పై భాగపు చర్మంపైనే వేసేవారు. దేశానికి జరిగిన తొలి రెండు ఎన్నికల్లో ఈ సిరా గుర్తు వాడలేదు.
1950లోనే ఈ సిరాపై పేటెంట్‌ను భారత దేశంలోని నేషనల్ రీసెర్చి అండ్ డెవలప్‌మెంట్ కార్పోరేషన్ (NRDC) పొందింది.  ఆ తర్వాత నీఎస్ఐఆర్ (కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ)కి చెందిన నేషనల్ ఫిజికల్ లాబోరేటరీ ఈ ఇంక్‌ను డెవలప్ చేసింది. ఆ తర్వాత జరిగిన పరిణామాల నేపథ్యంలో ఈ ఇంక్‌ ఉత్పత్తిని మైసూర్‌ లో ఉన్న మైసూర్ పెయింట్స్ అండ్ వార్నిష్ లిమిటెడ్ (MPVL) అనే చిన్న కంపెనీకి ఉత్పత్తికి అనుమతి ఇచ్చింది. ఈ కంపెనీని 1937లో అప్పటి మైసూర్ మహారాజా కృష్ణరాజ వడియార్ 4 స్థాపించారు. ఈ కంపెనీ 1962లొ జరిగిన మూడో లోక్ సభ ఎన్నికల సమయంలో ఫస్ట్ టైమ్ ఈ సిరాను మైసూర్ ప్రాంతంలో ఉపయోగించారు. అప్పటి ఎన్నికల కమిషనర్ సుకుమార్ సేన్ ఎన్నికల్లో ఈ నీలం సిరా వాడకాన్ని ఎన్నికల్లో చేర్చారు. అప్పటి నుంచి దేశ వ్యాప్తంగా ఎన్నికలు ఎక్కడ జరిగినా.. అక్కడ ఈ సిరాను వాడుతున్నారు.
5 mm వయల్.. 300 మందికి సిరా గుర్తు వేయవచ్చు.


మన దేశంలో ఎన్నికల నోటిఫికేషన్ కంటే ముందు ఓటర్ల సంఖ్యను పరిగణలోకి తీసుకొని ఆర్డర్ ఇస్తుంది. వరల్డ్ లార్జెస్ట్ ప్రజాస్వామ్య దేశమైన భారత్‌లో ఈ సారి దాదాపు 97 కోట్ల మంది ఓటర్లు తమ ఓటు హక్కను వినియోగించుకోనున్నారు. ఇందుకోసం 30 లక్షల సిరా వయల్స్ వాడుతున్నారు. దీని కోసం రూ.55 కోట్లు ఖర్చు అవసరం.


ఈ ప్రత్యక సిరా తయారీ ఫార్ములా అత్యంత గోప్యంగా ఉంచుతారట. ఎంపీవీఎల్ డైరెక్టర్లకు ఈ ఫార్ములా రహస్యం తెలియకుండా సీక్రెట్ మెయింటెన్ చేస్తున్నారు. ఈ సంస్థలో పనిచేసే ఇద్దరు కెమిస్ట్‌లకు తప్ప ఎవరికీ ఈ ఇంక్ తయారీ విధానం తెలియదట. వాళ్లు లేని సమయంలో నమ్మకస్థులైన తమ తర్వాత ఉద్యోగులకు మాత్రమే ఈ ఫార్ములాను సదురు కెమిస్టులు బదిలీ చేస్తారట.
మన దేశంలో తయారయ్యే ఇంక్‌కు ఇంటర్నేషనల్ లెవల్లో మంచి డిమాండ్ వుంది. మన దేశంలో జరిగే లోక్ సభ, అసెంబ్లీ, మున్సిపల్ కాకుండా.. 1976 నుంచి దాదాపు 30 పైగా దేశాలకు ఈ సిరా ఇక్కడ నుంచి ఎగుమతి అవుతోంది. పాకిస్థాన్, అఫ్ఘనిస్తాన్, నేపాల్, మయన్మార్, ఇరాక్, లెబనాన్, శ్రీలంక, సూడాన్,టర్కీ, ఈజిప్టు వంటి దేశాల్లో జరిగే ఎన్నికల్లో మన దేశపు సిరానే ఉపయోగిస్తున్నారు.


Also Read: Revanth Reddy Arvind: బీజేపీ ఎంపీ అర్వింద్‌ సంచలనం.. రేవంత్‌ రెడ్డికి బీజేపీకిలోకి ఆహ్వానం



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ - https://bit.ly/3P3R74U


ఆపిల్ లింక్ - https://apple.co/3loQYe 


సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter