కేంద్రంపై మమతా బెనర్జీ ఘాటు విమర్శలు..

న్యూఢిల్లీ: కరోనా మహమ్మారి దేశవ్యాప్తంగా గత కొన్ని రోజులుగా వేగంగా ప్రబలుతున్న నేపథ్యంలో రాష్ట్రాల ముఖ్యమంత్రులతో ప్రధాని మోదీ సమావేశమయ్యారు. కాగా ముఖ్యమంత్రులతో ప్రధాని మోదీ నిర్వహించిన వీడియో కాన్ఫరెన్స్ సమావేశంలో ఊహించని పరిణామం చోటు చేసుకుంది. గత కొన్ని రోజులుగా కేంద్ర ప్రభుత్వానికి, పశ్చిమ బెంగాల్ కి మధ్య మాటల యుద్ధం కొనసాగుతున్న విషయం తెలిసిందే. అయితే ఈ సమావేశం సందర్భంగా కేంద్ర ప్రభుత్వంపై పశ్చిమబెంగాల్ ముఖ్యమంత్రి మమతా బెనర్జీ విమర్శలు గుప్పించారు. రాష్ట్రాల మధ్య వివక్ష చూపిస్తూ అనవసర రాద్ధాంతాలు సృష్టిస్తోందని, కేంద్ర ప్రభుత్వం విపత్కర పరిస్థితుల్లో రాజకీయాలు చేస్తోందని ఆమె మండిపడ్డారు.