Weight Gain Tips: నిజంగా నెయ్యి తింటే బరువు పెరుగుతారా? నెయ్యి వల్ల కలిగే ప్రయోజనాలు ఇవే..

Ghee For Weight Gain: ప్రతి ఒక్కరి శరీరం, ఆరోగ్య అవసరాలు వేరు వేరుగా ఉంటాయి. కొంతమందికి బరువు తగ్గాలని, మరికొంతమందికి బరువు పెరగాలని కోరుకుంటారు. బరువు పెరగడం కోసం కొంతమంది ప్రోటీన్‌ షేక్‌లను, డైట్‌ అంటూ, ఖరీదైనా ప్రొడెక్ట్స్‌లను ఉపయోగింస్తారు. కానీ ఎలాంటి ఖర్చు లేకుండా ఇంట్లోనే సహజంగా బరువు పెరగవచ్చని చాలా మందికి తెలియదు. ఆరోగ్యకరమైన బరువు కోసం ప్రతిరోజు నెయ్యిని ఉపయోగిస్తే అద్భుతమైన లాభాలు పొందవచ్చని ఆరోగ్యనిపుణులు చెబుతున్నారు. అయితే నెయ్యి బరువు పెంచడంలో ఎలా సహాయపడుతుంది? నెయ్యిని మన ఆహారంలో ఎలా చేర్చుకోవాలి అనే వివరాలు తెలుసుకుందాం. 

నెయ్యి ప్రయోజనాలు-బరువు పెంచడంలో ఎలా సహాయపడుతుంది..

నెయ్యి అనేది భారతీయ వంటకాల్లో ఎంతో ప్రాముఖ్యత కలిగిన ఒక పదార్థం. దీనిని పూర్వీకులు ఆరోగ్యం కోసం ఎంతగానో వినియోగించేవారు. నెయ్యిలో అనేక రకాల పోషకాలు ఉంటాయి. ఇది కేవలం రుచిని మెరుగుపరచడమే కాకుండా శరీరానికి అనేక ప్రయోజనాలను కలిగిస్తుంది. ముఖ్యంగా బరువు పెరగాలనుకునే వారికి నెయ్యి చాలా ఉపయోగకరంగా ఉంటుంది.

నెయ్యి ఎలా బరువు పెరగడానికి సహాయపడుతుంది?

నెయ్యిలో కేలరీలు ఎక్కువగా ఉంటాయి. కాబట్టి, కొద్ది మొత్తంలో నెయ్యి తీసుకోవడం వల్ల కూడా శరీరానికి అవసరమైన కేలరీలు అందుతాయి. ఇందులో సంతృప్త కొవ్వులు అధికంగా ఉంటాయి. ఈ కొవ్వులు శరీరంలో కొవ్వుగా నిల్వ చేయబడతాయి. జీర్ణక్రియను మెరుగుపరుస్తుంది. దీంతో ఆహారం సులభంగా జీర్ణమవుతుంది.  నెయ్యిలో ఉండే కొవ్వు ఆమ్లాలు కండరాల పెరుగుదలకు సహాయపడతాయి.

నెయ్యిని ఎలా ఉపయోగించాలి?

నెయ్యిని రోజువారి ఆహారంలో అనేక విధాలుగా చేర్చుకోవచ్చు. ఇది కేవలం రుచిని మెరుగుపరచడమే కాకుండా ఆరోగ్యానికి కూడా చాలా మంచిది. ఇక్కడ కొన్ని ఉదాహరణలు:

ఉదయాన్నే ఖాళీ కడుపుతో: ఉదయాన్నే లేవగానే ఒక చెంచా నెయ్యి తీసుకోవడం చాలా మంచిది. ఇది జీర్ణక్రియను మెరుగుపరుస్తుంది, శరీరానికి శక్తిని ఇస్తుంది.

అన్నం, రొట్టె, పరోటా వంటి వాటిపై నెయ్యి వేసి తినవచ్చు.

పప్పులు, కూరలు చేసేటప్పుడు నెయ్యి వాడవచ్చు.

వేపుడు, వడలు వంటి వాటిని తయారు చేసేటప్పుడు నెయ్యిని ఉపయోగించవచ్చు.

చాయ్, కాఫీలో నెయ్యి కలిపి తాగవచ్చు. ఇది రుచిని మెరుగుపరుస్తుంది, శరీరానికి శక్తిని ఇస్తుంది.

నెయ్యిని ఎంచుకునేటప్పుడు జాగ్రత్తలు:

స్వచ్ఛమైన నెయ్యి: స్వచ్ఛమైన, నాణ్యమైన నెయ్యిని ఎంచుకోవడం చాలా ముఖ్యం.

పరిమాణం: నెయ్యిని మితంగా తీసుకోవాలి. ఎక్కువగా తీసుకోవడం వల్ల బరువు పెరగడమే కాకుండా, ఇతర ఆరోగ్య సమస్యలు కూడా వచ్చే అవకాశం ఉంది.

గమనిక: మీరు ఏదైనా ఆరోగ్య సమస్యతో బాధపడుతుంటే, నెయ్యిని తీసుకోవడానికి ముందు మీ డాక్టర్‌ను సంప్రదించండి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి