Sweet Corn Vada Recipe: స్వీట్ కార్న్‌ వడ రెసిపీ ఇలా 10 నిమిషాల్లో తయారు చేసుకోండి!

Sweet Corn Vada Recipe In Telugu: రోజు ఉదయం పూట చాలా మంది తీసుకునే టిఫిన్స్‌లో వడ రెసిపీ ఒకటి. వీటిని అల్పాహారంలో భాగంగా పిల్లల నుంచి పెద్దవారిగా ఎంతో ఇష్టంగా తింటూ ఉంటారు. ముఖ్యంగా చాలా మంది సంబార్‌ వడను ఎక్కువగా తీసుకుంటారు. ఒకే రకం రెసిపీ ఎప్పుడూ తిని తిని బోర్‌ కొడుతూ ఉంటుంది. అయితే ఇలాంటి వారి కోసం స్వీట్‌ కార్న్‌ రెసిపీ పరిచయం చేయబోతున్నాం. ఈ స్వీట్‌ కార్న్‌లో అధిక పరిమాణంలో ఫైబర్‌ లభిస్తుంది. కాబట్టి వీటిని వడల్లా తయారు చేసుకుని తీసుకుంటే మంచి ఫలితాలు పొందుతారు. అయితే ఈ స్వీట్‌ కార్న్‌ రెసిపీని ఎలా తయారు చేసుకోవాలో, దానికి కావాల్సిన పదార్థాలేంటో ఇప్పుడు తెలుసుకుందాం.  

స్వీట్ కార్న్ వడ రెసిపీకి కావాల్సిన పదార్థాలు:
1 కప్పు ఉడికించిన స్వీట్ కార్న్
1/2 కప్పు బేసన్
1/4 కప్పు ఉల్లిపాయ తురుము
1/4 కప్పు కొత్తిమీర తురుము
1/2 అంగుళం అల్లం తురుము
1/2 పచ్చిమిరపకాయ తురుము
1/2 టీస్పూన్ జీలకర్ర పొడి
1/2 టీస్పూన్ ధనియాల పొడి
1/4 టీస్పూన్ కారం
1/4 టీస్పూన్ ఉప్పు
నూనె వేయడానికి

తయారీ విధానం:
ఈ స్వీట్ కార్న్ వడ రెసిపీని తయారు చేయడానికి ముందుగా ఒక గిన్నెను తీసుకోవాల్సి ఉంటుంది
ఈ గిన్నెలో ఉడికించిన స్వీట్ కార్న్, బేసన్, ఉల్లిపాయ తురుము, కొత్తిమీర తురుము, అల్లం తురుము వేసుకుని బాగా మిక్స్‌ చేసుకోవాల్సి ఉంటుంది. 
ఆ తర్వాత అందులోనే పచ్చిమిరపకాయ తురుము, జీలకర్ర పొడి, ధనియాల పొడి, కారం, ఉప్పు వేసి బాగా కలపాలి.
మిశ్రమాన్ని చిన్న చిన్న ఉండలుగా తయారు చేసుకుని పక్కన పెట్టుకోవాల్సి ఉంటుంది.
ఒక పాన్‌లో నూనె వేడి చేసి, వడలను వేసుకుని బంగారు గోధుమ రంగు వచ్చే వరకు వేయించాలి.
అంతే వాటిని బయటకు తీసి వేడి వేడిగా వడ్డించి తీసుకోండి.

చిట్కాలు:
ఈ స్వీట్ కార్న్ వడను మరింత రుచిగా పొందడానికి మిశ్రమంలో కొద్దిగా నిమ్మరసం లేదా టమాటో సాస్ కూడా వేయవచ్చు.
వడలను మరింత క్రిస్పీగా కావాలనుకుంటే, వాటిని బాగా డీప్ ఫ్రై చేయవచ్చు.
స్వీట్ కార్న్‌కు బదులుగా, మీరు ఉడికించిన బంగాళాదుంపలు లేదా క్యారెట్లను కూడా ఉపయోగించవచ్చు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.