Sai Pallavi: అమరన్ కోసం సాయి పల్లవి తీసుకున్న రెమ్యునరేషన్ తెలిస్తే షాక్ అవ్వాల్సిందే..!
దీపావళి సందర్భంగా అక్టోబర్ 31న.. దుల్కర్ సల్మాన్..లక్కీ భాస్కర్, కిరణ్ అబ్బవరం.. క.. సినిమాలతో పాటు శివ కార్తికేయన్ హీరోగా చేసిన తమిళ్ డబ్బింగ్ చిత్రం అమరన్ కూడా విడుదలకు సిద్ధమవుతోంది.
మేజర్ ముకుందన్ జీవిత కథ ఆధారంగా తెరకెక్కిన ఈ చిత్రం.. టీజర్ నుంచే ప్రేక్షకులలో మంచి అంచనాలను ఏర్పరచుకుంది. ఈ సినిమా నుంచి విడుదలైన రంగులే.. రంగులే సాంగ్ యూట్యూబ్ లో అందరిని ఆకట్టుకుంటూ దూసుకుపోతోంది.
పేరుకి ఈ చిత్రం తమిళ డబ్బింగ్ సినిమా అయినప్పటికీ.. ఈ చిత్రంలో హీరోయిన్ సాయి పల్లవి కావడం వల్ల.. తెలుగులో కూడా ఈ సినిమాపై మంచి అంచనాలు ఏర్పడ్డాయి.
మరి మిగతా రెండు చిత్రాలతో ఈ సినిమా పోటీపడి.. గెలుస్తుందో లేదో చూడాలి అంటే మరొక రోజు వేచి చూడాలి. ఈ క్రమంలో ఇప్పుడు ఈ చిత్రానికి సంబంధించిన ఒక వార్త తెగ వైరల్ అవుతోంది.
సాధారణంగా సాయిపల్లవికి సౌత్ ఇండస్ట్రీ మొత్తం మంచి పేరు ఉంది. ఆమె ఒక సినిమాలో నటిస్తుంది అంటే తప్పకుండా ఆ చిత్రంలో కథ బలం ఉంటుందని నమ్ముతారు. ఈ క్రమంలో సాయి పల్లవి అమరన్ చిత్రం కోసం తీసుకున్న రెమ్యూనరేషన్ సోషల్ మీడియాలో వైరల్ అవుతోంది.
న్యూస్ 18 లో వచ్చిన రిపోర్టు ప్రకారం.. సాయి పల్లవి అమరం చిత్రం కోసం మూడు కోట్ల రెమ్యూనరేషన్ తీసుకున్నట్లు వినికిడి. సాయి పల్లవి తన గత చిత్రాలు లవ్ స్టోరీ, గార్గి కోసం కేవలం కోటి రూపాయలే తీసుకుంది. అయితే ఇప్పుడు అమరన్ కోసం ఏకంగా మూడు కోట్లు తీసుకోవడంతో అందరూ షాక్ కి గురవుతున్నారు. ఇక తదుపరితను రణబీర్ కపూర్ తో చేస్తున్న హిందీ రామాయణం కోసం కూడా సాయి పల్లవి ఒక లెవెల్ లో రెమ్యూనరేషన్ తీసుకోబోతుందని తెలుస్తోంది.