Pushpa 2: పుష్ప -2 ట్రైలర్లో అరగుండుతో కనిపించిన వ్యక్తి ఎవరో తెలుసా..?
క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటించిన తాజా చిత్రం పుష్ప -2. డిసెంబర్ ఐదవ తేదీన భారీ అంచనాల మధ్య ప్రేక్షకుల ముందుకు రాబోతోంది. విడుదల తేదీ దగ్గర పడుతున్న నేపథ్యంలో చిత్ర బృందం ఆడియన్స్ లో హైప్ పెంచుతూ ట్రైలర్ విడుదల చేసింది.
బీహార్ రాజధాని పాట్నాలో ఉన్న గాంధీ మైదానంలో భారీ సెట్ ఏర్పాటు చేసి ట్రైలర్ లాంచ్ చేశారు.. ఇక ఇందులో హీరో అల్లు అర్జున్ తో పాటు హీరోయిన్ రష్మిక మందన్న, నిర్మాతలు, డైరెక్టర్ సుకుమార్ అందరూ హాజరయ్యారు. ఇక ఈ కార్యక్రమానికి బీహార్ నుండి అభిమానులు పెద్ద ఎత్తున వచ్చి సందడి చేశారు.
ఇకపోతే ట్రైలర్ ప్రేక్షకులను విపరీతంగా ఆకట్టుకుంది ముఖ్యంగా ఈ సినిమాలో అల్లు అర్జున్ యాక్షన్ పర్ఫామెన్స్ కి ఆడియన్స్ ఫిదా అయిపోయారు. ఇకపోతే ఈ సినిమాలో అర గుండు తో చాలా విచిత్రంగా కనిపించిన వ్యక్తి ట్రైలర్ కే హైలెట్గా నిలిచారు.
దీంతో అర గుండు తో కనిపించిన వ్యక్తి ఎవరు అంటూ నిటిజన్స్ కామెంట్లు చేయగా ఫైనల్ గా అతడు తారక్ పొన్నప్ప అని కన్ఫామ్ చేశారు. అరగుండు, మెడలో చెప్పుల దండతో కిల్లింగ్ స్మైల్ తో నడిచి వస్తున్న పాత్ర ఈ ట్రైలర్ కి హైలైట్ గా నిలిచింది. ఆ నటుడు ఎవరో కాదు తారక్ పొన్నప్ప..కన్నడలో కీలక పాత్రలు పోషించి మంచి గుర్తింపు తెచ్చుకున్న ఈయన, బ్లాక్ బాస్టర్ హిట్ కేజిఎఫ్ లో నటించాడు.
అలాగే ఇటీవల ఎన్టీఆర్ నటించిన దేవరా సినిమాల్లో కూడా నటించారు.. ఇప్పుడు పుష్ప 2 లో కూడా కీలకపాత్ర పోషిస్తున్నారు. నిన్న ట్రైలర్లో ఈయనకు సంబంధించిన స్క్రీన్ షాట్ సోషల్ మీడియాలో వైరల్ అవుతున్నాయి . అంతేకాదు తారక్ పొన్నప్ప కూడా ఈ పోస్టర్ని తన సోషల్ మీడియా ఖాతాలో షేర్ చేయడంతో ఈ విషయం కాస్త వెలుగులోకి వచ్చింది.