AP Pention: పెన్షనర్లకు ఊహించని శుభవార్త.. ఏపీ ప్రభుత్వం అదిరిపోయే దీపావళి గిఫ్ట్..

AP Pention: ఏపీలో బడుగు, బలహీన వర్గాలు, ముసలి, ముతక సహా చాలా మంది బీదలకు ప్రభుత్వం అందంచే పింఛనే ఆధారం. ప్రభుత్వం అందించే పింఛనుతోనే ఇంట్లో వారికంటూ ఓ గౌరవం దక్కుతోంది. అయితే ఏదో పని ఉండి ఒక నెల పించను తీసుకోని వాళ్లకు ఆ నెల పింఛను పోయినట్టే.

ఈ విషయమై ఇకపై ఏ నెలలోనైనా పింఛను తీసుకోకపోతే ఆ మరుసటి నెల మొత్తం కలిపి తీసుకునే వెసులుబాటు కల్పించనుంది ప్రభుత్వం. వరుసగా రెండు నెలలు తీసుకోలేకపోతే.. ఆ తర్వాత నెలలో మూడు నెలలకు కలిపి మొత్తం 12వేలు అందిచనుంది. ఈ హామీ అమలుకు సీఎం చంద్రబాబు ఆదేశాలు జారీచేశారు.

సీఎం చంద్రబాబు ఆదేశాలతో డిసెంబరు నుంచే పాత విధానాన్ని పునరుద్ధరించేందుకు అధికారులు చర్యలు తీసుకుంటున్నారు. నవంబర్‌లో పింఛన్ అందుకోలేనివారు డిసెంబరు 1న రెండు నెలలది కలిపి  ఇస్తామంటున్నారు.  

నవంబరులో దాదాపు 45 వేల మంది వివిధ కారణాలతో పింఛను తీసుకోలేదని సమాచారం. వీరికి వచ్చే నెల అంటే డిసెంబర్ 1న అందజేస్తారు. 2014-19 మధ్య టీడీపీ ప్రభుత్వ హయాంలోనూ ఈ విధానం అమలైందన్నారు.

గత ప్రభుత్వం అధికారంలోకి వచ్చాక జగన్‌ దీన్ని రద్దుచేసి ఏ నెలకు ఆ నెలే పింఛను తీసుకోవాలనే నిబంధన తీసుకొచ్చారు. దీంతో పింఛన్‌లు తీసుకునేవారు ఇబ్బందిపడ్డారు. దీంతో కూటమి ప్రభుత్వం కొత్త విధానాన్ని ప్రవేశ పెట్టింది. 

రాష్ట్ర వ్యాప్తంగా ఎన్టీఆర్‌ భరోసా కింద ప్రభుత్వం 64.14 లక్షల మందికి పింఛన్లు అందిస్తోంది. ప్రతి నెలా పింఛను ఇచ్చే సమయానికి కొందరు వృద్ధులు  వేరే ఊళ్లో ఉండొచ్చనే అభిప్రాయాలు ఉన్నాయి. వారు వివిధ కారణాల వల్ల  పింఛన్ తీసుకోలేకపోయారు.

గత నెల వరకూ వారు ఏ నెలకు, ఆ నెల పింఛన్‌ తీసుకువాల్సిన పరిస్థితి ఉంది. దానిని గమనించిన కూటమి ప్రభుత్వం పాత విధానాన్ని అమలు చేస్తామని ప్రకటించింది. ప్రస్తుతం  ఆ హామీని నిలబెట్టుకుంటోంది.