Bharat Ram: తెలుగు తెరపై మరో కొత్త హీరో ‘భరత్ రామ్’.. రాజు బోనగాని డైరెక్షన్ లో టాలీవుడ్ ఎంట్రీ..

చెక్, బుర్రకథ, రంగ రంగ వైభవంగా సినిమాల్లో బాల నటుడిగా మెప్పించిన భరత్ రామ్ త్వరలో హీరోగా పరిచయం కాబోతున్నాడు. తెలుగులో చైల్డ్ ఆర్టిస్ట్స్ హీరోలుగా ఇంట్రడ్యూస్ కావడం కొత్తేమి కాదు.

ఇనావర్స్ సినిమా ఫ్యాక్టరీ ప్రొడక్షన్ హౌస్ బ్యానర్ పై   స్క్రీన్ ప్లే, విజువల్ ఎఫెక్ట్స్ లో సుపరిచితుడు అయిన రాజు బొనగాని దర్శకత్వంలో తెరకెక్కుతోన్న  సినిమా 'ఏ రోజైతే చూశానో నిన్ను'. ఈ మూవీతో భరత్ రామ్ తెలుగు ప్రేక్షకులకు హీరోగా పరిచయం కాబోతున్నాడు.

గతంలో నాగర్జున, మహెష్ బాబు,  రవితేజ, హీరోలుగా ఇనావర్స్ సినిమా ఫ్యాక్టరీ నుంచి ఎన్నో విజయవంతమైన సినిమాలు వచ్చాయి.

తాజాగా  భరత్ రామ్ ని హీరోగా పరిచయం చేస్తూ ఈ సినిమాను నిర్మిస్తున్నారు. ప్రస్తుతం ఈ సినిమాకి సంబంధించిన మ్యూజిక్ సిటింగ్స్ జరుగుతున్నాయి.

అతి త్వరలో హీరోయిన్ ను కూడా ఎంపిక చేయనున్నారు. ఇప్పటికే దీనికి సంబంధించిన ఆడిషన్స్ జరగుతున్నాయి. త్వరలో నటీనటులను ఫైనల్ చేసి డిసెంబర్ లో పూజా కార్యక్రమాలతో ఈ సినిమా ప్రారంభం కానుంది.