Bank Holidays: బ్యాంకులకు వరుసగా 3 రోజులు సెలవు.. ముందుగానే మీ పనులు పూర్తి చేసుకోండి..
ఇప్పటికే దసరా పండుగ ఇతర స్థానిక పండుగల నేపథ్యంలో అక్టోబర్‌ నెలలో కేవలం 15 రోజులు మాత్రమే బ్యాంకులు పనిచేస్తున్నాయి. ఈ నెల చివరకు వచ్చేస్తుంది.
దీపావళి పండుగ ఈ ఏడాది అక్టోబర్‌ 31న రానుంది. అంగరంగ వైభవంగా నిర్వహించుకునే దీపావళి పండుగకు దేశవ్యాప్తంగా ఉన్న అన్ని కార్యాలయాలు, విద్యా సంస్థలకు సెలవులు ఉంటాయి.
అయితే, దీపావళికి వరుసగా మూడు రోజులపాటు బ్యాంకులకు సెలవులు రానున్నాయి. ఈ సందర్భంగా మీకు ఏవైనా బ్యాంకు లావాదేవీలకు సంబంధించిన పనులు ఉంటే వెంటనే పూర్తి చేసుకోండి. లేదంటే ఇబ్బందులు పడతారు.
సాధారణంగా బ్యాంకులకు సెలవులు ఆర్‌బీఐ గైడ్‌లైన్స్‌ ప్రకారం ఉంటాయి. ఏడాది సెలవులకు సంబంధించిన కేలండర్‌ను ముందుగానే రిజర్వ్‌ బ్యాంకు విడుదల చేస్తుంది. దీని ప్రకారమే సెలవులు ఉంటాయి. ఇదికాకుండా నెగోషియబుల్ ఇన్‌స్ట్రూమెంట్‌ యాక్ట్‌ ప్రకారం కూడా సెలవులు ఉంటాయి.
అంటే స్థానిక పండుగల ఆధారంగా కూడా బ్యాంకులకు సెలవులు వర్తిస్తాయి. అయితే, దీపావళి పండుగ అక్టోబర్‌ 31వ తేదీ గురువారం రానుంది. కొన్ని ప్రాంతాల్లో నవంబర్‌ 1న జరుపుకోనున్నారు.
అయితే, నవంబర్‌ 2వ తేదీ కూడా లక్ష్మీ పూజ చేస్తారు. కొంతమంది గోవర్థన పూజ నిర్వహిస్తారు. కొన్ని ప్రాంతాల్లో ఆరోజు కూడా బంద్‌. తెలుగు రాష్ట్రాల్లో అయితే, అక్టోబర్‌ 31న దీపావళి పండుగ సెలవు వచ్చింది.
ఇటీవలె బ్యాంకులకు కేవలం 5 రోజులు పనిదినాలను కూడా ఈ ఏడాది చివరిలో ప్రకటించనున్నట్లు తెలుస్తోంది. లేదా కొత్త ఏడాది ప్రారంభంలో అమలు చేస్తారు. దీంతో ప్రతిరోజూ 45 నిమిషాల పని సమయం బ్యాంకు ఉద్యోగులకు పెరుగుతుంది. ప్రతి శనివారం, ఆదివారం బ్యాంకులు సెలవు ఉండనున్నాయి.