Ancient Shipwreck Treasure: సముద్రగర్భంలో బయటపడ్డ 5 వేల ఏళ్ల నాటి ఖజానా
ఈ పరిశోధనలతో మధ్యధరా సముద్రం ప్రాంతంలో సాంస్కృతిక, వ్యాపార పరిస్థితులు ఎలా ఉండేవో తెలుసుకునేందుకు వీలుంటుంది.
గ్రీకు సాంస్కృతిక శాఖ 2019లో హెలెనిక్ నేషనల్ రీసెర్చ్ ఇనిస్టిట్యూట్‌తో కలిసి ఈ అధ్యయనం ప్రారంభించింది. 20 వేలకు పైగా ఫోటోలు సముద్రగర్భంలో తీశారు. ఓడల శిధిలాలకు చెందిన డిజిటల్ ఇమేజెస్ సిద్ధం చేశారు.
కాసోస్ ద్వీపం సమీపంలో జరిపిన రీసెర్చ్‌లో ఆధునిక కాలం నాటి ఓడ శిధిలాలు కూడా లభ్యమయ్యాయి. ఇదొక కలపతో చేసిన ఓడ. ఇందులో ధాతువుల్ని కూడా ఉపయోగించారు. ఇది రెండవ ప్రపంచయుద్ధం నాటి ఓడ కావచ్చని అంచనా.
సముద్రంలో 20-47 మీటర్ల లోతులో ఈ శిధిలాలు లభించాయి. స్పెయిన్, ఇటలీ, ఆఫ్రికా, ఆసియా ప్రాంతాల్నించి సరుకు తీసుకెళ్లే ప్రాచీన ఓడల శిధిలాలున్నాయి. అప్పటి గిన్నెలు, మట్టితో చేసిన గిన్నెలు, ప్రాచీన కాలం నాటి లంగరు లభించాయి.