Hyderabad Rains: హైదరాబాదీలకు వర్షం తెచ్చిన గుడ్‌న్యూస్.. దీపావళి పొల్యూషన్‌ మటాష్..
హైదరాబాద్‌ పలు చోట్ల భారీ వర్షం కురిసింది. మధ్యాహ్నం వరకు ఎండగా ఉన్న వాతావరణం ఒక్కసారిగా భారీ వర్షం కురిస్తోంది. దీంతో దీపావళి వల్ల జరిగిన కాలుష్యానికి చెక్ పడినట్లయింది. వర్షం హైదరాబాద్‌ వాసులకు గుడ్‌ న్యూస్‌ తెచ్చింది.
హైదరాబాద్‌లోని పలు చోట్లు నేడు శుక్రవారం మధ్యాహ్నం తర్వాత భారీ వర్షం పలు ప్రాంతాల్లో కురిసింది. దీంతో జూబ్లీహిల్స్‌, బంజారా హిల్స్‌, పంజాగుట్ట వంటి పలు ప్రాంతాల్లో ఒక్కసారిగా వర్షం పడింది.
ఈ వర్షం ధాటికి లోతట్టు ప్రాంతాలు జలమయం అయ్యాయి. కొత్తగూడ, మియాపూర్‌, అమీర్‌పేటలోని పలు ప్రాంతాలలోని లోతట్టు ప్రాంతాలు జలమయం అయ్యాయి. ఈ ప్రాంతంలో తీవ్ర ట్రాఫిక్‌ జామ్‌ కూడా అయింది.
ఇప్పటికే ఉరుములు, మెరుపులతో కూడిన వర్షాలు మరికొన్ని గంట్లో పడతాయని జీహెచ్‌ఎంసీ పరిధిలోని వాయువ్య, ఈశాన్య ప్రాంతాల్లో మరికొన్న గంటలపాటు భారీ వర్షం కురుస్తుందని ఐఎండీ కూడా హెచ్చరించింది.
ఈరోజు రేపు తెలంగాణలోని పలు ప్రాంతాల్లో మోస్తారు వర్షాలు కురిసే అవకాశం ఉందని వాతావరణ శాఖ హెచ్చరించింది. అయితే, దీపావళి వల్ల పటాకుల నుంచి వెలువడిన పొల్యూషన్‌ వల్ల ఎయిర్‌ క్వాలిటీ తగ్గిపోయింది. గాలి కాలుష్యం మరింత పెరిగింది. అయితే ఈ వర్షం వల్ల హైదరాబాదీలకు గుడ్‌ న్యూస్‌ అందింది. ఒక్కసారిగా వాతావరణం కూడా చల్లబడింది.