Janhvi Kapoor: అతిలోకసుందరిలా మారిపోయిన జాన్వి కపూర్.. అచ్చం శ్రీదేవిలా

ధడక్ సినిమా ద్వారా బాలీవుడ్లోకి అడుగుపెట్టి మంచి పేరు తెచ్చుకున్న హీరోయిన్ జాన్వి కపూర్. ఇప్పటివరకు ఈ హీరోయిన్ తెలుగులో మాత్రం ఏ చిత్రం చేయలేదు.  

త్వరలోనే జూనియర్ ఎన్టీఆర్ హీరోగా చేసిన దేవర సినిమా ద్వారా తెలుగులోకి ఎంట్రీ ఇవ్వనుంది. అయితే ఈ సినిమా విడుదల కన్నా ముందే ఈ హీరోయిన్ కి తెలుగు రాష్ట్రాలలో అభిమానులు మాత్రం ఎంతో మంది ఉన్నారు.  

ఇందుకు ముఖ్య కారణం జాన్వి కపూర్ తెలుగువారు ఎంతో అభిమానించే శ్రీదేవి కూతురు కావడం. తెలుగులో శ్రీదేవికి ప్రత్యేక స్థానం ఉన్న సంగతి తెలిసిందే. ముఖ్యంగా తెలుగు ప్రేక్షకులు శ్రీదేవిని ఎంతో అపురూపంగా అతిలోకసుందరి అని పిలుచుకుంటారు.

ఈ క్రమంలో జాన్వి కపూర్ ఇంస్టాగ్రామ్ లో షేర్ చేసిన ఫోటోలు శ్రీదేవిని తలపించడంతో అందరూ ఆ ఫోటోలను తెగ షేర్ చేస్తున్నారు. ఈ ఫోటోలలో జాన్వి అచ్చం శ్రీదేవి జగదేకవీరుడు అతిలోకసుందరి సినిమాలో ఎలా ఉందో అలానే కనిపిస్తూ అభిమానులను ప్రేమలో పడేస్తోంది.