Janhvi Kapoor: ‘దేవర’మూవీతో జాన్వీ కపూర్ ఆశలు ఫలించేనా.. !

జాన్వీ కపూర్.. తల్లి శ్రీదేవి బాటలో తెలుగు సినిమాలతో స్టార్ హీరోయిన్ కావాలని ప్రయత్నాలు ముమ్మురం చేసింది. అందుకు  దక్షిణాది సినీ ఇండస్ట్రీలో ఎన్టీఆర్ ‘దేవర’ మూవీతో కథానాయికగా ఎంట్రీ ఇవ్వబోతుంది. ఈ సినిమా విజయం కోసం ఎదురు చూస్తుంది జాన్వీ.

జాన్వీ కపూర్ హీరోయిన్ గా ఇండస్ట్రీలో  అడుగుపెట్టి  దాదాపు ఆరేళ్లు పూర్తి కావొచ్చింది. అయినా ఇప్పటికీ కథానాయికగా  సరైన బ్రేక్ మాత్రం రాలేదనే చెప్పాలి.  అందుకే సౌత్ సినీ ఇండస్ట్రీపై కన్నేసింది.  

జాన్వీ కపూర్.. ఎన్టీఆర్ హీరోగా కొరటాల శివ దర్శకత్వంలో తెరకెక్కుతోన్న ‘దేవర’ మూవీతో తెలుగు సినీ ఇండస్ట్రీలో లెగ్ పెట్టబోతుంది. ఈ సినిమాతో ప్యాన్ ఇండియా స్టార్ గా ఫేమ్ తెచ్చుకోవడం పక్కా  జాన్వీ ఫ్యాన్స్  చెప్పుకుంటున్నారు. ఈ సినిమా ఈ నెల  27న విడుదల కాబోతుంది. ఈ సినిమా విజయం అనేది ఎన్టీఆర్, కొరటాల శివతో పాటు జాన్వీ కూడా కీలకం అని చెప్పాలి.   

మొత్తంగా తెలుగులో ఎన్టీఆర్ తో చేస్తోన్న దేవర రెండు పార్ట్ లతో  పాటు రామ్ చరణ్‌ తో RC 16 మూవీలతో టాలీవుడ్ లో పూర్తి స్థాయిలో జెండా పాతాలని చూస్తుంది జాన్వీ. 

ఫస్ట్ సినిమా 'ధడక్‌' చిత్రంతో  కథానాయికగా ఎంట్రీ ఇచ్చింది జాన్వీకపూర్. ఆ చిత్రం బాక్సాఫీస్ దగ్గర మంచి సక్సెస్ అందుకుంది.  కానీ ఆ త‌ర్వాత జాన్వీ యాక్ట్ చేసిన  సినిమాలు ఎక్కువగా ఓటీటీ వేదిక‌గానే విడుదలయ్యాయి.

జాన్వీ కపూర్.. శ్రీదేవి కూతురుగానే వరుస ఛాన్సులు వస్తున్నాయి. హిందీలో సరైన బ్రేక్ రాకపోవడంతో వరుసగా తెలుగులో సినిమాలు చేస్తోంది. అది కూడా బడా స్టార్ హీరోల సినిమాలతో టాలీవుడ్ లో సత్తా చాటే ప్రయత్నాలు ముమ్మురం చేసింది.  

జాన్వీ కపూర్..రాజమౌళి, మహేష్ బాబు సినిమాతో  పాటు ప్రభాస్, సందీప్ రెడ్డి వంగా ‘స్పిరిట్’ చిత్రంలో దాదాపు జాన్వీ కథానాయికగా తీసుకోబోతున్నట్టు వార్తలు వస్తున్నాయి.