Laptop Battery Tips: తరచూ ఈ పొరపాట్లు చేస్తే ల్యాప్‌టాప్ బ్యాటరీ లైఫ్ తగ్గిపోతుంది
ల్యాప్‌ట్యాప్‌లో అవసరానికి మించి గేమింగ్ చేయకూడదు. ఇలా చేస్తే ప్రోసెసర్‌పై ఒత్తిడి పెరుగుతుంది. దాంతో అటు బ్యాటరీ ఇటు ల్యాప్‌టాప్ రెండూ వేడెక్కుతుంటాయి. బ్యాటరీ తరచూ వేడెక్కుతుంటే బ్యాటరీ లైఫ్ తగ్గిపోతుంటుంది.
ల్యాప్‌టాప్‌ను ఎప్పుడూ ఎక్కువ ఉష్ణోగ్రత ఉండే చోట వినియోగించడం తగ్గించేయాలి. లేకపోతే ల్యాప్‌టాప్ బ్యాటరీపై ప్రభావం పడుతుంది. తరచూ ఇలా చేస్తే మాత్రం బ్యాటరీ చాలా త్వరగా పాడయిపోతుంది.
ల్యాప్‌టాప్ స్టోరేజ్ తక్కువగా ఉన్నా సరే వీడియోలు ఎడిట్ చేస్తుంటే ఆ ప్రభావంతో ప్రోసెసర్‌పై ఒత్తిడి పెరిగి ల్యాప్‌టాప్ బ్యాటరీ వేడెక్కిపోతుంది. దాంతో బ్యాటరీ లైఫ్ తగ్గిపోతుంటుంది.
ల్యాప్‌ట్యాప్ స్టోరేజ్ ఫుల్ అయినప్పుడు కూడా ప్రోసెసర్ పనిచేసేటప్పుడు ఒత్తిడి పెరుగుతుంది. దాంతో ల్యాప్‌టాప్ వేడెక్కుతుంది. ఈ ప్రభావం బ్యాటరీపై పడుతుంది.
లోకల్ ఛార్జర్ ఎప్పుడూ వినియోగించకూడదు. దీనివల్ల ల్యాప్‌టాప్ బ్యాటరీ త్వరగా పాడైపోతుంది. ల్యాప్‌టాప్ బ్యాటరీ ఛార్జ్ చేసేందుకు అందుకు తగ్గ కంపెనీ ఛార్జరే వినియోగించాలి. లేకపోతే బ్యాటరీ వేడెక్కిపోతుంటుంది.