Late Night Sleep: రోజూ రాత్రి 12 తరువాతే నిద్రపోతుంటే అత్యంత ప్రాణాంతకమే

రోజూ రాత్రి ఆలస్యంగా నిద్రపోవడం, ఆలస్యంగా లేవడం వల్ల శరీరం మొద్దుబారిపోతుంది. రక్తపోటు సమస్య పెరగవచ్చు. గుండె వ్యాధులు పెరుగుతాయి. కొలెస్ట్రాల్ లెవెల్స్ పెరుగుతాయి. రోజూ రాత్రి 10 గంటల్లోపు నిద్రపోవడం చాలా అవసరం.

రోజూ రాత్రి వేళ అదే పనిగా 12 గంటలకు నిద్రపోవడం అలవాటు చేసుకుంటే కాలక్రమంలో మానసిక సమస్యలు ఉత్పన్నం కావచ్చు.  ఎందుకంటే శరీరంలో హార్మోన్లు బ్యాలెన్స్ తప్పుతాయి. ఫలితంగా ఒత్తిడి, ఆందోళన వంటి సమస్యలు రావచ్చు.

రాత్రి వేళ ఆలస్యంగా నిద్రపోయే అలవాటు దీర్ఘకాలంలో జీవక్రియపై ప్రభావం చూపిస్తుంది. ఫలితంగా అధిక బరువు, డయాబెటిస్ కొలెస్ట్రాల్, గుండె వ్యాధులు, జీర్ణక్రియ సంబంధిత వ్యాధులకు కారణమౌతుంది

రాత్రి అర్ధరాత్రి వరకూ మేల్కొని ఉంటే ఆరోగ్యానికి చాలా ప్రమాదమని వైద్య నిపుణులు సూచిస్తున్నారు. ఇది శరీరాన్ని రిఫ్రెష్‌గా ఉంచకపోవడమే కాకుండా జీవక్రియ, ఇమ్యూనిటీ, మానసిక ఆరోగ్యంపై ప్రతికూల ప్రభావం చూపిస్తుంది. అందుకే ఎట్టి పరిస్థితుల్లోనూ రాత్రి 10-10-30 గంటల వరకూ నిద్రపోవాలి

రాత్రి ఆలస్యంగా అంటే 12 గంటల వరకూ నిద్రపోకుండా ఉంటే చాలా రకాల అనారోగ్య సమస్యలు ఉత్పన్నమౌతాయి. దీర్ఘకాలంలో అనారోగ్యం పాలవుతారు. ప్రస్తుతం జీవన విధానంలో స్మార్ట్‌ఫోన్ వినియోగం, పని ఒత్తిడి వంటి కారణాలతో చాలా ఆలస్యంగా నిద్రపోతున్నారు.

రోజూ సమయానికి నిద్రపోవడం, సమయానికి లేవడం చాలా అవసరం. అందుకే ఎర్లీ టు బెడ్-ఎర్లీ టు రైజ్ అంటారు. రాత్రి 10 గంటలకే నిద్రించే అలవాటు చేసుకోవాలి. అప్పుడే మెటబోలిజం వేగవంతమౌతుంది. జీర్ణక్రియ మెరుగ్గా ఉంటుంది. మలబద్ధకం వంటి సమస్యలు దూరమౌతాయి.

చాలామంది రోజుకు 7-8 గంటల నిద్ర ఉంటే సరిపోతుందనుకుంటారు. ఈ క్రమంలో రోజూ రాత్రి 12 దాటాక నిద్రపోయి ఉదయం 8-9 గంటలకు లేస్తుంటారు. ఇది ఏ మాత్రం మంచి పద్ధతి కాదు. రాత్రి ఆలస్యంగా నిద్రించడం మెటబోలిజంపై తీవ్ర ప్రభావం చూపిస్తుంది. శరీరంలో కొలెస్ట్రాల్ స్థాయి పెరుగుతుంది.