Diwali 2024: దీపావళికి తెలుగు సినిమాల సందడి.. ఏవేవి విడుదలవుతున్నాయో తెలుసా?
ఈ దీపావళి సందర్భంగా బాణాసంచాల హడావిడి కంటే.. సినిమాలో హడావిడి కూడా కొంచెం ఎక్కువగానే ఉండేలాగా కనిపిస్తోంది. ఈ దీపావళి ఈ సందర్భంగా చిన్న సినిమాల నుంచి పెద్ద సినిమాల దాకా కొన్ని ఆసక్తికరమైన సినిమాలు థియేటర్లలో విడుదల కి సిద్ధం అవుతున్నాయి. కాంపిటేషన్ మరీ ఎక్కువగా లేకపోవడంతో.. కొంచెం పాజిటివ్ టాక్ వచ్చినా కూడా అన్ని సినిమాలు బ్లాక్ బస్టర్లు అయ్యే అవకాశాలు ఉన్నాయి.
దీపావళి సందర్భంగా విడుదలవుతున్న సినిమాలలో దుల్కర్ సల్మాన్ హీరోగా నటించిన లక్కీ బాస్కర్ సినిమా మీద మంచి అంచనాలు నెలకొన్నాయి. సితార ఎంటర్టైన్మెంట్స్ నిర్మిస్తున్న టీజర్ ట్రైలర్ ప్రేక్షకులకు విపరీతంగా నచ్చేసాయి. ఈ సినిమాతో దుల్కర్ సల్మాన్ తెలుగులో మరొక భారీ బ్లాక్ బస్టర్ అందుకుంటారు అని ఫ్యాన్స్ బల్లగుద్ది మరీ చెబుతున్నారు. ఈ సినిమా అక్టోబర్ 31 న విడుదల కాబోతోంది.
లక్కీ బాస్కర్ సినిమాకి పోటీగా యంగ్ హీరో కిరణ్ అబ్బవరం కూడా తన కెరియర్ లోనే మొట్టమొదటి ప్యాన్ ఇండియా సినిమా అయిన క సినిమాతో దీపావళి బరిలోకి దిగుతున్నారు. అక్టోబర్ 31న విడుదలవుతున్న ఈ సినిమాకి సుజిత్ సందీప్ ద్వయం దర్శకత్వం వహించారు. భారీ స్థాయిలో సినిమా ప్రమోషన్లు చేస్తున్న కిరణ్ అబ్బవరం ఈ సినిమాతో హిట్ అందుకుంటారో లేదో చూడాలి.
శ్రీ మురళి హీరోగా నటిస్తున్న ఈ సినిమాకి ప్రశాంత్ నీల్ బ్రాండ్ ఉండడం కారణంగా మంచి క్రేజ్ వచ్చింది. ప్రశాంత్ నీల్ బావ శ్రీ మురళి కన్నడ లో పెద్ద స్టార్ హీరో. రోలింగ్ స్టార్ అనే టైటిల్ కూడా సొంతం చేసుకున్నారు. నిజానికి తను హీరోగా నటించిన ఉగ్రం సినిమాతో ప్రశాంత్ నీల్ కి డైరెక్టర్ గా మొదటి అవకాశం ఇచ్చింది కూడా శ్రీ మురళినే. భగీర సినిమా ఇప్పుడు ప్యాన్ ఇండియా రేంజ్ లో విడుదల కానుంది.
అక్టోబర్ 31 న విడుదల కాబోతున్న మరొక సినిమా అమరన్. శివ కార్తికేయన్, సాయి పల్లవి హీరో హీరోయిన్లుగా నటిస్తున్న ఈ సినిమాని కమల్ హాసన్ నిర్మిస్తున్నారు. మేజర్ వరదరాజన్ ముకుంద్ జీవిత చరిత్ర ఆధారంగా తెరకెక్కుతున్న ఈ సినిమా మీద కూడా మంచి అంచనాలు ఉన్నాయి.