Mahesh Babu: నయనతార కి సపోర్ట్ గా మహేష్ బాబు.. మండిపడుతున్న ధనుష్ ఫ్యాన్స్..

నయనతార, ధనుష్ ఒకప్పుడు ఎంతో మంచి స్నేహితులు. ధనుష్ కోసం నయనతార ఒక సినిమాలో ఎటువంటి రెమ్యూనరేషన్ కూడా తీసుకోకుండా సాంగ్ చేసిందని.. ధనుష్ స్వయంగా ఒక ఇంటర్వ్యూలో చెప్పారు.

అయితే కొన్ని కారణాలవల్ల వీరిద్దరి మధ్య దూరం పెరుగుతూ వచ్చింది. ఇక ఈ మధ్యన నెట్ ఫ్లిక్స్ లో విరుదైన నయనతార డాక్యుమెంటరీ.. వీరిద్దరి మధ్య వైరాన్ని మరింత పెంచింది. 

ధనుష్ నిర్మాణం వహించి.. నయనతార భర్త విగ్నేష్ శివ దర్శకత్వం వహించిన చిత్రం..  నానుమ్ రౌడీ ధాన్. ఈ సినిమాతోనే నయనతార.. తన భర్త విగ్నేష్ శివ అంటూ ప్రేమలో పడింది.

ఈ క్రమంలో ఈ సినిమాకి సంబంధించిన ఒక పది సెకండ్ల క్లిప్పుని తన డాక్యుమెంటరీలో వాడుకున్నారు ఈ జంట. అయితే దీనికి కాను ధనుష్ టీం 10 కోట్లు డిమాండ్ చేయడంతో.. నయనతార ట్విట్టర్లో మండిపడింది. 

ఈ క్రమంలో ఇప్పుడు ధనుష్ అభిమానులు నయనతార పైన తెగ కోపంతో ఉన్నారు. ఇక్కడి వరకు కథ బాగానే ఉన్నా.. ధనుష్ అభిమానులు మహేష్ బాబు పైన కూడా తమ కోపం చూపియడం అందరిని ఆశ్చర్యానికి గురిచేస్తుంది.

అసలు విషయానికి వస్తే మహేష్ బాబు తన ఇంస్టాగ్రామ్ లో నయనతార డాక్యుమెంటరీని షేర్ చేసి.. 3 హార్ట్ ఎమోజిస్ పెట్టారు. ఇక దీనికి నమ్రత కూడా హార్ట్ ఎమోజిస్ పెట్టింది. అయితే ప్రస్తుతం ఆ డాక్యుమెంటరీ పైనే.. నయనతార, ధనుష్ మధ్యలో గొడవ జరుగుతుండగా.. ఇలా మహేష్ బాబు షేర్ చెయ్యడం ధనుష్ అభిమానులను ఆగ్రహానికి గురిచేసింది. ఇందుకు సంబంధించిన పోస్టులు సోషల్ మీడియాలో సైతం వైరల్ అవుతున్నాయి.