Naga Chaitanya- Shobitha: నాగ చైతన్య శోభితల హల్దీ ఫంక్షన్‌.. నెట్టింట వీడియో వైరల్..
హీరో నాగ చైతన్య, శోభితల వివాహ వేడుకలు మొదలైనాయి. హల్దీ వేడుకలు అట్టహాసంగా ప్రారంభమైనట్లు తెలుస్తోంది. ప్రస్తుతం ఆ క్రతువుకు సంబంధించిన వీడియో నెట్టింట వైరల్ అవుతోంది.
ఈ వేడుకలో అక్కినేని నాగ చైతన్య, శోభితా ధూళిపాళలకు మంగళస్నానాలు చేయించారు. ఇద్దరికీ ఒకేచోట ఈ క్రతువును నిర్వహించారు. ఈ వీడియో నెట్టింట వైరల్ అవుతోంది. ఇదిలా ఉండగా డిసెంబర్‌ 4వ తేదీ రాత్రి 8:13 నిమిషాలకు వీరి పెళ్లి జరగనుంది.
వీరి పెళ్లి వేడుక అన్నపూర్ణ స్టూడియో వేదికగా జరగనుంది. ఇప్పటికే ఈ స్టూడియోలేనే ప్రత్యేకంగా పెళ్లి కోసం సెట్‌ ఏర్పాటు చేసినట్లు తెలుస్తోంది. ఇక వీరి పెళ్లిలో తాళిబొట్టు కూడా ప్రత్యేకంగా తయారు చేయిస్తున్నారు.
ముఖ్యంగా నాగ చైతన్య శోభితల పెళ్లి బ్రాహ్మణ సంప్రదాయంలో దాదాపు 8 గంటల క్రతువు నిర్వహించనున్నారు. ఈ పెళ్లిలో శోభిత ప్రత్యేకంగా కాంజీవరం పట్టు చీర ధరించనున్నారు.
ఇక నాగ చైతన్యకు ఇది రెండో వివాహం. మొదట సమంతను ప్రేమించి పెళ్లి చేసుకున్న సంగతి తెలిసిందే. ఆ తర్వాత వీరిద్దరూ విడిపోతున్నట్లు ప్రకటించారు. అక్కినేని అఖిల్‌ ఎంగేజ్మెంట్‌ కూడా ఇటీవలె జైనబ్‌తో నిశ్చయం అయింది. ఈ విషయాన్ని అక్కినేని నాగర్జున అధికారికంగా ప్రకటించారు.
అక్కినేని అఖిల్‌ జైనబ్‌ల వివాహం కూడా నాగ చైతన్య శోభితలతోపాటే జరుగుతుందేమో అని ప్రచారం జరిగింది. కానీ, నాగార్జున వచ్చే ఏడాది అఖిల్‌ పెళ్లి ఉంటుందని ప్రకటించారు.
హీరో నాగార్జున కొత్తగా లెక్సస్‌ కారు కూడా కొనుగోలు చేశారు. నిన్న ఖైరతాబాద్‌ ఆర్‌టీఓ ఆఫీసులో కారు రిజిస్ట్రేషన్‌ కోసం నాగార్జున వెళ్లిన సంగతి తెలిసిందే.