Pension: రైతులకు అదిరిపోయే వార్త చెప్పిన మోదీ సర్కార్..నెలకు రూ. 3వేల పెన్షన్..ఇలా అప్లయ్ చేసుకోండి

PM Kisan Maan Dhan Yojana: కేంద్రంలోని మోదీ సర్కార్ రైతులకోసం ప్రత్యేక పథకాలేన్నో తీసుకువస్తుంది. రైతులు వ్యవసాయం చేస్తున్నంత కాలం మాత్రమే ఈ స్కీమ్స్ ఆర్థిక భరోసాని అందిస్తున్నాయి. అయితే రైతులు వృద్ధాప్యంలోకి అడుగుపెడితే వారికి వ్యవసాయం చేయలేక ఎన్నో ఇబ్బందులు పడుతున్నారు. అలాంటి చిన్న, సన్నకారు రైతులకు 60ఏల్ల వయస్సు దాటిన తర్వాత అండగా నిలిచేందుకు కేంద్ర ప్రభుత్వం ప్రధాన్ మంత్రి కిసాన్ మాన్ ధన్ యోజన స్కీమును తీసుకువచ్చింది.   

స్వచ్ఛంద, కాంట్రిబ్యూటరీ పెన్షన్ స్కీమ్ 18 నుండి 40ఏళ్లు వయస్సు గల వారికి స్వచ్ఛంద, కాంట్రిబ్యూటరీ పెన్షన్ స్కీమ్ ఇది. ఈ పథకం ఆగస్టు 9, 2019 నుండి అమలులోకి వస్తుంది. మీరు కూడా అర్హులైన రైతుల కేటగిరీలో ఉన్నట్లయితే, మీరు కూడా ఈ పథకాన్ని సద్వినియోగం చేసుకోవచ్చు. ప్రధాన్ మంత్రి కిసాన్ మాన్-ధన్ యోజన (PM-KMY) 60 ఏళ్ల వయస్సు వచ్చిన తర్వాత భూమిని కలిగి ఉన్న చిన్న, సన్నకారు రైతులందరికీ (SMFలు) నెలవారీ రూ. 3000 పెన్షన్‌ను అందజేస్తుంది. చిన్న, సన్నకారు రైతులు అంటే సంబంధిత రాష్ట్రం లేదా కేంద్రపాలిత ప్రాంతంలోని భూ రికార్డుల ప్రకారం 2 హెక్టార్ల వరకు సాగు భూమిని కలిగి ఉన్న రైతులు అర్హులు అవుతారు.

ఈ స్కీముకు దరఖాస్తు చేసుకునేందుకు రైతు పాస్ పోర్టు ఫొటో, నివాస ధ్రువీకరణ పత్రం, ఆదాయ రుజువు పత్రం, వయస్సు, సాగు భూమి వివరాలు, బ్యాంక్ పాస్ బుక్, ఆధార్, రిజిస్టర్డ్ మొబైల్ నెంబర్ ఇవన్నీ ఉంటే ఆన్ లైన్ లేదా ఆఫ్ లైన్ లో అప్లయ్ చేసుకోవచ్చు.   

ముందుగా, ప్రధాన్ మంత్రి కిసాన్ మాన్‌ధన్ యోజన అధికారిక వెబ్‌సైట్‌కి వెళ్లండి. దీని తర్వాత మీరు హోమ్‌పేజీకి వెళ్లి లాగిన్ అవ్వండి. అప్పుడు మీరు లాగిన్ చేయడానికి మీ ఫోన్ నంబర్‌ను పూరించాలి.ఇప్పుడు అవసరమైన సమాచారాన్ని నమోదు చేసి, ఆపై OTPని సృష్టించుపై క్లిక్ చేయండి. ఆ తర్వాత మీ  రిజిస్టర్డ్ మొబైల్ నంబర్‌కు ఓటీపీ వస్తుంది. ఆ తర్వాత మీరు దరఖాస్తు ఫారమ్‌ను సమర్పించాలి.  

ప్రధాన మంత్రి కిసాన్ మంధన్ యోజన కోసం దరఖాస్తు చేసుకోవడానికి, రైతుల వయస్సు 18 నుండి 40 సంవత్సరాల మధ్య నిర్ణయించారు. ఈ పథకం కోసం రైతులు దరఖాస్తు చేసుకునే వయస్సు. దాని ఆధారంగా ఈ పథకంలో రూ.55 నుంచి రూ.200 వరకు పెట్టుబడి పెట్టాల్సి ఉంటుంది.   

రైతు చనిపోతే కుటుంబ పింఛనులో 50 శాతం రైతు భార్యకు అందుతుంది. ఈ పథకం కింద కుటుంబ పింఛను రైతు, అతని భార్యకు మాత్రమే లభిస్తుంది. వృద్ధాప్యంలో, రైతు ఆర్థికంగా మరొక వ్యక్తిపై ఆధారపడతాడు. ప్రధాన మంత్రి కిసాన్ మంధన్ యోజన ఈ వయస్సులో వారికి ఆర్థిక బలాన్ని అందిస్తుంది.