Political Heroes: విజయ్, పవన్ కళ్యాణ్ సహా పొలిటికల్ పార్టీలు పెట్టిన హీరోలు వీళ్లే..

NTR (ఎన్టీఆర్): తెలుగు నాట అన్న ఎన్టీఆర్ తెలుగు దేశం పార్టీని 1982లో స్థాపించారు. అంతేకాదు పార్టీ పెట్టిన తొమ్మిది నెలల్లోనే అధికారంలోకి వచ్చి ముఖ్యమంత్రి అయ్యారు.

MGR (ఎమ్జీఆర్): అటు అన్న ఎన్టీఆర్ కంటే ముందు ముందు పార్టీ పెట్టి సీఎం అయిన హీరో ఎమ్జీఆర్. 1972లో అన్నాడీఎంకే పార్టీని స్థాపించారు. ఆ తర్వాత ఎన్నికల్లో పోటీ చేసిన ముఖ్యమంత్రిగా ప్రజలకు సేవ చేసారు. అంతేకాదు చనిపోయే వరకు సీఎంగానే ఉన్నారు.

శివాజీ గణేషన్‌:

ఎమ్జీఆర్ సమకాలికుడైన శివాజీ గణేషణ్ కూడా ముందు డీఎంకే పార్టీలో ఉండి.. ఆ తర్వాత కాంగ్రెస్‌లో చేరారు.  కాంగ్రెస్ పార్టీ తరుపున రాజ్యసభ సభ్యుడిగా సేవలు అందించిన ఈయన 1988లో 'తమిళగ మున్నేట్ర మున్నయ్' అనే పార్టీని స్థాపించారు. కానీ ఈ పార్టీ ఎన్నికల్లో పెద్దగా ప్రభావం చూపించలేదు.

దేవానంద్:   కేవలం దక్షిణాది హీరోలే కాదు.. ఉత్తరాది బాలీవుడ్ ముందు తరం అగ్ర హీరో దేవానంద్ 1980లో నేషనల్ పార్టీ ఆఫ్ ఇండియా అనే పార్టీ స్థాపించారు. ఎంతో ఆర్భాటంగా ప్రారంభమైన ఈ పార్టీ 1980 సాధారణ ఎన్నికల తర్వాత సోదిలో లేకుండా పోయింది.

నందమూరి హరికృష్ణ:

ఎన్టీఆర్ తనయుడు నందమూరి హరికృష్ణ 1999లో చంద్రబాబును విభేదించి అన్న తెలుగు దేశం పార్టీని స్థాపించారు. ఆ ఎన్నికల్లో గంట గుర్తుతో అన్ని స్థానాల్లో పోటీ చేసారు. కానీ కనీస ప్రభావం చూపించలేకపోయింది. దీంతో టీడీపీలో జాయిన్ అయ్యారు. తెలుగు రాష్ట్రాల్లో తండ్రీ తనయులు ఇద్దరు పార్టీలు పెట్టారు. కానీ తండ్రి బాటలో కుమారుడు సక్సెస్ కాలేకపోయారు.

కమల్ హాసన్ : చిరంజీవి, పవన్ కళ్యాణ్‌ల తర్వాత కమల్ హాసన్ కూడా 2018లో ఫిబ్రవరి 21న 'మక్కల్ నీది మయ్యమ్‌' అనే పొలిటికల్ పార్టీని స్థాపించారు.

చిరంజీవి: మెగాస్టార్ చిరంజీవి 2018లో ప్రజా రాజ్యం పార్టీని స్థాపించారు. అలవాటు లేని రాజకీయ రంగంలో సక్సెస్ కాలేకపోయారు. ఆ తర్వాత తన పార్టీని కాంగ్రెస్ పార్టీలో విలీనం చేసి రాజ్యసభ సభ్యుడు అయ్యారు. అంతేకాదు యూపీఏ 2లో మన్మోహన్ మంత్రి వర్గంలో కేంద్ర మంత్రిగా సేవలు అందించారు.

పవన్ కళ్యాణ్ : పవర్ స్టార్ పవన్ కళ్యాణ్ 2014 సార్వత్రిక ఎన్నికల ముందు జనసేన పార్టీని స్థాపించారు. ఆ ఎన్నికల్లో బీజేపీ, టీడీపీ కూటమికి మద్ధతు తెలిపారు. తెలుగు రాష్ట్రాల్లో రాజకీయ పార్టీలు పెట్టిన  అన్నదమ్ములుగా రికార్డులకు ఎక్కారు.

విజయశాంతి: పొలిటికల్ పార్టీలు పెట్టిన వాళ్లలో హీరోలే కాదు.. హీరోయిన్ కూడా ఉంది. బీజేపీతో రాజకీయ ఆరంగేట్రం చేసిన ఈమె.. 2009లో తల్లి తెలంగాణ పార్టీని స్థాపించింది. ఆ తర్వాత తన పార్టీని టీఆర్ఎస్ పార్టీలో విలీనం చేసింది.

రజినీకాంత్: రజినీకాంత్ గత కొన్నేళ్లుగా పొలిటికల్ ఎంట్రీ ఇస్తున్నట్టు వార్తలు వచ్చాయి. 'మక్కల్ సేవై కట్చి' అనే పార్టీని స్థాపించారు. కానీ తీరా అనారోగ్య సమస్యలు ఇతరత్రా కారణాల వల్ల రాజకీయ ఎంట్రీకి బ్రేకులు వేసారు.

విజయకాంత్ : దివంగత పద్మభూషణ్ అవార్డు గ్రహీత విజయ్ కాంత్ కూడా సినిమాల్లో సంచలన విజయాల తర్వాత రాజకీయాల్లో ప్రవేశించారు. 2005లో దేశీయ ముర్పేక్కు ద్రవిడ కళగం(DMDK)పార్టీని స్థాపించారు.

శరత్ కుమార్:

రాజకీయ పార్టీ పెట్టిన హీరోల్లో శరత్ కుమార్ ఉన్నారు. 2007లో ఈయన ఆల్ ఇండియా సమతువ మక్కల్ కచ్చి (AISMK) అనే పార్టీని స్థాపించారు.

కార్తీక్: ఒకప్పటి తమిళ లవర్ బాయ్ కార్తీక్ కూడా 2006లో రాజకీయాల్లో ప్రవేశించారు. 2009లో 'అహిలా ఇండియా నాడలుమ్ మక్కల్ కచ్చి' అనే పార్టీని స్థాపించారు. ఈ పార్టీ పెద్దగా ప్రభావం చూపించలేదు. ఈ పార్టీ పెద్దగా ప్రభావం చూపించలేదు. అటు 2018లో 'మనిత ఉరైమైగల్ కాక్కుమ్ కచ్చి' అనే పొలిటికల్ పార్టీని స్థాపించారు. ఆ పార్టీ ఎన్నికల్లో  అన్నాడీఎంకే, బీజేపీతో పొత్తు పెట్టుకుంది. కానీ పెద్దగా ప్రభావం చూపించలేదు.

విశాల్: విశాల్ కూడా తన ఫ్యాన్ క్లబ్ 'మక్కల్ నాలా ఇయక్కమ్'ను పొలిటికల్ పార్టీగా మార్చారు. ఎన్నికల్లో పోటీ మాత్రం చేయలేదు.

ఉపేంద్ర: కన్నడ స్టార్ నటుడు ఉపేంద్ర 2018లో 'ప్రజాకీయ' పార్టీని స్థాపించారు. 2019 ఎన్నికల్లో ఈ పార్టీ తరుపున పోటీ చేసినా.. ఎక్కడా పెద్దగా ప్రభావం చూపించలేకపోయింది.

విజయ్: హీరో విజయ్ ఎస్.ఏ.చంద్రశేఖర్ తన కుమారుడు పేరిట.. 'ఆల్ ఇండియా తలపతి విజయ్ మక్కమ్ ఇయ్యక్కుమ్' పార్టీ కోసం కేంద్ర ఎన్నికల సంఘానికి దరఖాస్తు చేసుకున్నారు. కానీ పెద్దగా ప్రభావం చూపించలేకపోయింది. తాజాగా ఈ నెల 2న 'తమిళగ వెట్రి కళగం' అనే పార్టీని స్థాపించి రాబోయే ఎన్నికల్లో పోటీ చేస్తానని చెప్పారు.