Prabhas: రాత్రి 12 అయితే పార్టీ..ఆ పార్టీలో పవన్ కళ్యాణ్ పాట.. ప్రభాస్ షాకింగ్ వ్యాఖ్యలు
టాలీవుడ్ సినీ ఇండస్ట్రీలో స్టార్ హీరోగా గుర్తింపు తెచ్చుకొని బాహుబలి సినిమాతో ఒక్కసారిగా పాన్ ఇండియా హీరో అయిపోయారు రెబల్ స్టార్ ప్రభాస్. బాహుబలి తీసుకొచ్చిన క్రేజ్ ఆయనను పాన్ ఇండియా హీరోగా మార్చేసింది.. ఆ తర్వాత అన్నీ కూడా పాన్ ఇండియా సినిమాలు చేస్తూ బిజీగా మారిపోయారు.
ప్రభాస్ అప్పుడప్పుడు మీడియాతో ముచ్చటిస్తూ అభిమానులకు చేరువలో ఉంటారు. ఈ క్రమంలోనే గతంలో ఒక షో లో పాల్గొన్న ప్రభాస్, తనకు ఇష్టమైన సినిమా గురించి ,పాట గురించి చెప్పి అందరిని ఆశ్చర్యపరిచారు.
పవన్ కళ్యాణ్ హీరోగా నటించిన జల్సా సినిమాలోని " ఛలోరే ఛలోరే చల్ " పాట అంటే చాలా ఇష్టం అని, ఎప్పుడు పార్టీ అరేంజ్ చేసిన ఈ పాట కచ్చితంగా పెడతానని.. అర్ధరాత్రి 12 అయితే చాలు ఇక వీడు ఈ పాట పెట్టేస్తాడ్రా అని నా ఫ్రెండ్స్ కూడా పారిపోయేవారు అంటూ సరదాగా చెప్పుకొచ్చారు ప్రభాస్.
ముఖ్యంగా ఇందులో చాలా ఫిలాసఫీ ఉందని.. ఈ సినిమాలోని పాట ఎన్నిసార్లు విన్నా సరే చాలా కొత్తగా ఏదో కొత్త అనుభూతిని కలిగిస్తుంది అంటూ,ఈ పాటపై ఉన్న ప్రేమను అలా పంచుకున్నారు ప్రభాస్.
సిరివెన్నెల సీతారామశాస్త్రి అందించిన ఈ పాటను.. రంజిత్ ఆలపించగా దేవిశ్రీప్రసాద్ మ్యూజిక్ అందించారు. మొత్తానికైతే ఈ పాట తన ఫేవరెట్ అంటూ చెప్పి అందరిని సంతోషపరిచారు ప్రభాస్.