Rakul Preet Singh: దారి మార్చిన రకుల్.. ఈసారి కొత్తగా ట్రై చేయబోతున్న హీరోయిన్!
కన్నడ సినిమా గిల్లీ ద్వారా.. సినిమాల్లోకి అడుగు పెట్టింది రకుల్. ఈ చిత్రం తమిళ, తెలుగు భాషల్లో మంచి విజయం సాధించిన 7/g బృందావన్ కాలనీ చిత్రానికి రీమేక్ కావడం విశేషం. ఆ తరువాత కెరటం అనే చిత్రం ద్వారా తెలుగు, తమిళ ప్రేక్షకులకు పరిచయమైంది.
అయితే ఈ హీరోయిన్ కి స్టార్ స్టేటస్ తెచ్చి పెట్టింది మాత్రం వెంకటాద్రి ఎక్స్ప్రెస్. సందీప్ కిషన్ హీరోగా వచ్చిన ఈ చిత్రం రకుల్ కి కమర్షియల్ గా మంచి విజయాన్ని అందించింది. ప్రార్థన.. ప్రతి రూపాయి కౌంట్ ఇక్కడ.. అనే డైలాగ్ తో తెలుగు ప్రేక్షకులకు మరింత చేరువైంది ఈ హీరోయిన్.
ఆ తరువాత తెలుగు, తమిళంలో వరస అవకాశాలు అందుకుంటూ దూసుకుపోయింది. కరెంట్ తీగ, పండగ చేసుకో, బ్రూస్ లీ, కిక్ 2.. లాంటి సినిమాలలో కనిపించి మెప్పించింది. అయితే మన్మధుడు 2 చిత్రం దగ్గర నుంచి రకుల్ కి బ్యాడ్ డేస్ మొదలయ్యాయి. తెలుగులో వరస అవకాశాలు రాక.. హిందీకి ఫోకస్ షిఫ్ట్ చేసుకుంది.
అయితే అక్కడ కూడా రకుల్ కి అనుకున్న స్థాయిలో విజయాలు రాలేదు.రకుల్ ప్రీత్ సింగ్ 2024 ఫిబ్రవరి 21న దక్షిణ గోవాలోని ఐటీసీ గ్రాండ్ రిసార్టులో జాకీ భగ్నానీని వివాహ చేసుకుంది. ఇక ఈ మధ్యనే కమల్ హాసన్ ఇండియన్ 2 చిత్రంలో కనిపించింది.
అయితే ఈ సినిమా కూడా ఫ్లాప్ కావడంతో.. ప్రస్తుతం రకుల్ కెరియర్ చిక్కుల్లో చిక్కుకుంది. ఈ క్రమంలో రకుల్ తాజాగా ఇన్స్టాగ్రామ్ లో షేర్ చేసిన ఫోటోలు ఆమె అభిమానుల్లో కొత్త ఆనందాన్ని రేకెత్తిస్తున్నాయి. ఎప్పుడు మోదరన్ గా కనిపించే రకుల్.. ఈ ఫోటోలో చీరలో కనిపించటంతో.. రకుల్ త్వరలోనే ఏదైనా పద్ధతిగా కనిపించే సినిమాలో కనిపించబోతుందేమో అని అభిమానులు సంబరపడుతున్నారు.