Samantha Top Movies: 14 యేళ్ల కెరీర్‌లో సమంత కెరీర్‌లో టాప్ మూవీస్ ఇవే..
ఏమాయ చేసావే..
గౌతమ్ వాసుదేవ మీనన్ దర్శకత్వంలో తెరకెక్కిన ఈ మూవీతో సమంత హీరోయిన్‌గా పరిచయమైంది. ఈ సినిమాలో తన మాజీ భర్త నాగ చైతన్యతో కలిసి నటించింది. ఈ మూవీ బ్లాక్ బస్టర్‌గా నిలిచింది.
బృందావనం..
ఎన్టీఆర్ హీరోగా వంశీ పైడిపల్లి దర్శకత్వంలో తెరకెక్కిన మూవీ 'బృందావనం'. ఈ సినిమాలో కాజల్ అగర్వాల్ మెయిన్ హీరోయిన్‌గా నటిస్తే.. సమంత సెకండ్ హీరోయిన్‌గా నటించింది. ఈ మూవీ బాక్సాఫీస్ దగ్గర సూపర్ హిట్‌గా నిలిచింది.
దూకుడు.. శ్రీను వైట్ల దర్శకత్వంలో సూపర్ స్టార్ మహేష్ బాబు హీరోగా నటించిన మూవీ 'దూకుడు'. ఈ సినిమాతో సమంత తొలి హాట్రిక్ హిట్స్‌ను తన ఖాతాలో వేసుకుంది.
ఈగ.. రాజమౌళి దర్శకత్వంలో తెరకెక్కిన ఈ మూవీలో సమంత.. నాని సరసన నటించింది. ప్రేమికుడిని కోల్పోయిన యువతి పాత్రలో అద్భుతంగా ఒదిగిపోయింది.
సీతమ్మ వాకిట్లో సిరిమల్లె చెట్టు..
వెంకటేష్, మహేష్ బాబు తొలిసారి కలిసిన నటించిన ఈ మూవీతో సమంత.. మహేష్ బాబు సరసన నటించింది. ఈ మూవీ బాక్సాఫీస్ దగ్గర మంచి హిట్‌గా నిలిచింది.
అత్తారింటికీ దారేది..
త్రివిక్రమ్ శ్రీనివాస్ దర్శకత్వంలో పవర్ స్టార్ పవన్ కళ్యాణ్ హీరోగా నటించిన 'అత్తారింటికీ దారేది' మూవీలో శశిగా ఒదిగిపోయిన తీరు ఎవరు మరిచిపోలేదు. ఈ మూవీ బాక్సాఫీస్ దగ్గర ఇండస్ట్రీ హిట్‌గా నిలిచింది.
మనం.. ఇక అక్కినేని మూడు తరాల హీరోలైన అక్కినేని నాగేశ్వరరావు, నాగార్జున, నాగ చైతన్యతో పాటు చివర్లో అఖిల్ హీరోలుగా నటించిన 'మనం' సినిమాలో ప్రియ పాత్రలో ఒదిగిపోయింది సమంత. ఈ సినిమా తర్వాత వారింటి కోడలు కావడం యాదృచ్ఛికమే అనే చెప్పాలి.
జనతా గ్యారేజ్..
ఎన్టీఆర్ హీరోగా కొరటాల శివ దర్శకత్వంలో తెరకెక్కిన సినిమా 'జనతా గ్యారేజ్'. ఈ సినిమా బాక్సాఫీస్ దగ్గర సూపర్ హిట్‌గా నిలిచింది.
రంగస్థలం..
సుకుమార్ దర్శకత్వంలో మెగా పవర్ స్టార్ రామ్ చరణ్ హీరోగా నటించిన 'రంగస్థలం' మూవీ సమంత కెరీర్‌లో డిఫరెంట్ మూవీగా నిలిచిపోయింది. వీటితో పాటు మజిలీ, ఓ బేబి, యశోదా వంటి బ్లాక్ బస్టర్ చిత్రాలతో పాటు తమిళంలో కూడా పలు సూపర్ హిట్ చిత్రాలున్నాయి.