Samantha Top Movies: సమంత కెరీర్‌ను ఛేంజ్ చేసిన టాప్ చిత్రాలు ఇవే..
ఏమాయ చేసావే..
గౌతమ్ వాసుదేవ మీనన్ దర్శకత్వంలో నాగ చైతన్య హీరోగా తెరకెక్కిన ఈ సినిమాతో సమంత కథానాయికగా పరిచయమైంది. ఈ సినిమాలో తన మాజీ భర్త నాగ చైతన్యతో జోడిగా ఈ మూవీ బాక్సాఫీస్ దగ్గర బ్లాక్ బస్టర్‌గా నిలిచింది.
బృందావనం..
వంశీ పైడిపల్లి దర్శకత్వంలో ఎన్టీఆర్ హీరోగా తెరకెక్కిన మూవీ 'బృందావనం'. ఈ సినిమాలో కాజల్ అగర్వాల్ మరో కథానాయికగా నటించింది. సమంత సెకండ్ హీరోయిన్‌గా యాక్ట్ చేసింది. ఈ మూవీ బాక్సాఫీస్ దగ్గర సూపర్ హిట్‌గా నిలిచింది.
దూకుడు.. సూపర్ స్టార్ మహేష్ బాబు హీరోగా శ్రీను వైట్ల దర్శకత్వంలో నటించిన మూవీ 'దూకుడు'. ఈ మూవీతో సమంత తొలి హాట్రిక్ హిట్‌ను అందుకుంది.
ఈగ.. రాజమౌళి దర్శకత్వంలో నాని హీరోగా తెరకెక్కిన మూవీ 'ఈగ'. ఈ సినిమాలో సమంత కథానాయికగా నటించింది. లవర్‌ను కోల్పోయిన యువతి పాత్రలో అద్భుతంగా ఒదిగిపోయింది.
సీతమ్మ వాకిట్లో సిరిమల్లె చెట్టు
వెంకటేష్, మహేష్ బాబు తొలిసారి కలిసిన నటించిన మూవీ 'సీతమ్మ వాకిట్లో సిరిమల్లె చెట్లు'. ఈ మూవీలో సమంత మహేష్ బాబు సరసన నటించింది. ఈ మూవీ బాక్సాఫీస్ దగ్గర బ్లాక్ బస్టర్‌గా నిలిచింది.
అత్తారింటికీ దారేది..
త్రివిక్రమ్ శ్రీనివాస్ దర్శకత్వంలో పవర్ స్టార్ పవన్ కళ్యాణ్ హీరోగా నటించిన మూవీ 'అత్తారింటికీ దారేది'. ఈ మూవీలో శశిగా ఒదిగిపోయిన తీరు అత్యద్భుతం. ఈ మూవీ బాక్సాఫీస్ దగ్గర ఇండస్ట్రీ హిట్‌గా నిలిచింది.
మనం.. ఇక అక్కినేని మూడు తరాల హీరోలైన అక్కినేని నాగేశ్వరరావు, నాగార్జున, నాగ చైతన్యతో పాటు చివర్లో అఖిల్ హీరోలుగా నటించిన సినిమా 'మనం'. ఈ చిత్రంలో సమంత ప్రియ పాత్రలో ఒదిగిపోయింది. ఈ మూవీ తర్వాత అక్కినేని వారి ఇంటి కోడలు కావడం యాదృచ్ఛికమే అనే చెప్పాలి.
జనతా గ్యారేజ్..
ఎన్టీఆర్ హీరోగా కొరటాల శివ దర్శకత్వంలో తెరకెక్కిన సినిమా 'జనతా గ్యారేజ్'. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది.
రంగస్థలం..
సుకుమార్ దర్శకత్వంలో మెగా పవర్ స్టార్ రామ్ చరణ్ హీరోగా నటించిన 'రంగస్థలం' మూవీ సమంత కెరీర్‌లో డిఫరెంట్ మూవీగా నిలిచిపోయింది. వీటితో పాటు మజిలీ, ఓ బేబి, యశోదా వంటి బ్లాక్ బస్టర్ చిత్రాలతో పాటు తమిళంలో కూడా పలు సూపర్ హిట్ చిత్రాలున్నాయి.