School Holiday: విద్యార్థులకు బంపర్‌ గుడ్‌న్యూస్‌.. ఈరోజు స్కూళ్లు బంద్‌..!
తెలుగు రాష్ట్రాల్లో గత కొన్ని రోజులుగా వాతావరణ పరిస్థితులు మారిపోయాయి. బంగాళాఖాతంలో ఏర్పడిన అల్పపీడనం కారణంగా భారీ వర్షాలు కూడా కురిసాయి. అయితే, ఫెంగల్‌ తుఫాను ప్రభావం ముఖ్యంగా ఏపీ, తమిళనాడు, తెలంగాణలో కూడా ఉంటుంది.
ఈ ఫెంగల్‌ తుఫాను తీరం దాటే అవకాశం ఉంది. ఈ నేపథ్యంలో చెన్నై పరిసర ప్రాంతంలో రెడ్‌ అలెర్ట్‌ ప్రకటించారు. గత కొన్ని రోజులుగా చెన్నైలో భారీ వర్షాలు, వరదలు కూడా వస్తున్నాయి.
ముఖ్యంగా తిరువణ్ణామలై, కళ్లకురిచ్చి, కడులూరు, విల్లుపురం వంటి జిల్లాలు ఈ తుఫాను ధాటికి తీవ్ర ప్రభావితం అయ్యాయి. ఈ నేపథ్యంలో ఇప్పటికే ఈ ప్రాంతాల్లోని విద్యా సంస్థలలకు సెలవులు ప్రకటించాయి.
ముఖ్యంగా నేడు కూడా పుదుచ్చేరిలోని అన్నీ స్కూళ్లుకు సెలవు ఇచ్చారు. ఈ ప్రాంతంలో జనజీవనం అస్తవ్యస్తంగా మారింది. గత కొన్ని రోజులుగా బంగాళాఖాతంలో అల్పపీడనాలు ఏర్పాడుతున్నాయి.
ఏపీలోని తీరప్రాంతాలు కూడా ప్రభావితం చెందాయి. ముఖ్యంగా సెప్టెంబర్‌ నుంచి బంగాళాఖాతంలోని అల్పపీడనాల ప్రభావంతో ఆంధ్రప్రదేశ్‌లోని కొన్ని జిల్లాల్లో భారీవర్షాలు కురిశాయి. వరదలు కూడా ఇళ్లలోకి వచ్చి చేరాయి. ఆయా ప్రాంతాల అనుగుణంగా విద్యార్థులకు సెలవులు కూడా ప్రకటించారు.
ఆ తర్వాత అక్టోబర్‌ నెలలో దసరా సెలవులు కూడా ఎక్కువగానే వచ్చాయి. ఇక దీపావళి సెలవులు కొన్ని ప్రాంతాల్లో రెండు రోజులు సెలవులు ప్రకటించారు. విద్యార్థులకు వరుసగా సెలవులు వస్తూనే ఉన్నాయి. ఇదిలా ఉండగా సంక్రాంతి సెలవుల్లో కుదింపు ఉందని తెలుస్తోంది.
ముఖ్యంగా పదోతరగతి చదివే విద్యార్థులకు ప్రత్యేక తరగతుల నేపథ్యంలో కేవలం మూడు రోజులు మాత్రమే సంక్రాంతి సెలవులు రానున్నాయి. సాధారణంగా అయితే, సంక్రాంతి అంటే ఓ వారం రోజులు ప్రత్యేకంగా ఆంధ్రప్రదేశ్‌లోని విద్యాసంస్థలకు ఇచ్చేవారు.