Priyanka Chopra Nick Jonas: ప్రియాంక చోప్రా-నిక్ జోనస్‌ల గారాల పట్టి పేరు ఏంటో తెలుసా...
టీఎంజెడ్ మీడియా రిపోర్ట్స్ ప్రకారం... ప్రియాంక-నిక్ జంట తమ కూతురికి 'మాల్టీ మేరీ చోప్రా జోనస్' అని పేరు పెట్టారు.
బర్త్ సర్టిఫికెట్ ప్రకారం ప్రియాంక-నిక్ కూతురు అమెరికాలోని శాండీయాగోలో జనవరి 15, ఉదయం 8గంటల తర్వాత పుట్టినట్లు టీఎంజెడ్ మీడియా రిపోర్ట్స్‌లో పేర్కొన్నారు.
తమ కూతురికి ఇద్దరు పేర్లు కలిసొచ్చేలా పేరు పెట్టుకున్నారు ప్రియాంక దంపతులు.
'మాల్టీ మేరీ చోప్రా జోనస్'లో 'మాల్టీ' అనే పదం సంస్కృతం మూలం నుంచి వచ్చింది. దీని అర్థం సువాసన వెదజల్లే చిన్న పువ్వు లేదా చంద్రకాంతి.
ఇక మేరీ అనే పదం లాటిన్ మూలం నుంచి వచ్చింది. దీని అర్థం 'సముద్ర నక్షత్రం'. మేరీ అంటే జీసస్ తల్లి అని తెలిసిందే.
ఇటీవల ఓ సందర్భంలో ప్రియాంక తన కూతురి గురించి మాట్లాడుతూ... తన ఆశలు, నమ్మకాలు, భయాలు, కోరికలు ఇవేవీ తన బిడ్డపై రద్దదలుచుకోలేదని పేర్కొంది. పిల్లల ఇష్టాఇష్టాల ప్రకారమే వారిని నడుచుకోనివ్వాలని అభిప్రాయపడింది.