This Week Launch Mobile In India: ఈ వారంలో లాంచ్ కాబోతున్న బడ్జెట్ ఫ్రెండ్లీ ఫోన్స్‌ ఇవే.. రూ.8 వేలలోపే పిచ్చెక్కించే ఫీచర్స్‌ కలిగిన మొబైల్స్!
అంతేకాకుండా త్వరలోనే లాంచ్ కాబోయే ఈ నాలుగు మొబైల్స్ అత్యంత తక్కువ ధరల్లోనే లభించనున్నాయి. ఈ కంపెనీలకు సంబంధించిన స్మార్ట్‌ఫోన్స్‌ 32 మెగాపిక్సెల్‌ల సెల్ఫీ కెమెరాలను కూడా కలిగి ఉంటాయి. అయితే త్వరలోనే విడుదల కాబోయే స్మార్ట్‌ఫోన్స్‌ ఏంటో వాటికి సంబంధించిన పూర్తి వివరాలు ఇప్పుడు తెలుసుకుందాం.
ఇందులో కొన్ని స్మార్ట్‌ఫోన్స్‌ 90W వరకు ఛార్జింగ్ సపోర్ట్‌తో కూడి రాబోతున్నట్లు తెలుస్తోంది. అయితే ఈ మొబైల్స్ విడుదలైన వెంటనే ప్రముఖ ఈ కామర్స్‌ కంపెనీల్లో అందుబాటులోకి రానున్నాయి.
మొదట వచ్చే వారంలో Redmi నుంచి అత్యంత తక్కువ బడ్జెట్‌లో A4 5G స్మార్ట్‌ఫోన్‌ లాంచ్ కాబోతోంది. దీనిని కంపెనీ నవంబర్ 20న విడుదల చేయబోతున్నట్లు తెలిపింది. ఈ మొబైల్‌ 4GB ర్యామ్‌, 128 GB ఇంటర్నల్ స్టోరేజ్ వేరియంట్‌లో విడుదలయ్యే అవకాశాలు ఉన్నాయి. ఈ స్మార్ట్‌ఫోన్‌ ఆఫర్స్‌ అన్ని పోనూ రూ.8,499 లభించే ఛాన్స్‌ ఉంది.
ఈ వచ్చే వారంలో Asus ROG ఫోన్ 9 స్మార్ట్‌ఫోన్‌ కూడా విడుదల కాబోతోంది.. ఇది నవంబర్ 19న లాంచ్ కానుంది. ఈ మొబైల్‌ అత్యంత తక్కువ ధరలోనే లభించబోతోంది. అలాగే ఇది మోస్ట్ పవర్‌ ఫుల్‌ స్నాప్‌డ్రాగన్ 8 ఎలైట్‌ ప్రాసెసర్‌తో రాబోతోంది.
ఇక నవంబర్ చివరి వారంలో విడుదల కాబోయే మొబైల్స్ Vivo Y300 కూడా ఒకటి. ఇది స్నాప్‌డ్రాగన్ 4 జెన్ 2 చిప్‌సెట్‌పై రన్‌ కాబోతోంది. అంతేకాకుండా 5000mAh బ్యాటరీతో విడుదల కాబోతోంది. దీంతో పాటు 6.7 అంగుళాల ప్రీమియం డిస్ల్పేను కూడా కలిగి ఉంటుంది.
ఈ వచ్చే వారం వీవో నుంచి మరో స్మార్ట్‌ఫోన్‌ కూడా లాంచ్ కాబోతోంది. ఇది నవంబర్ 19న ప్రపంచ మార్కెట్లో విడుదల చేయబోతున్నట్లు కంపెనీ ప్రకటించింది. అలాగే ఇది Vivo X200 సిరీస్‌లలో లాంచ్ కానుంది. అంతేకాకుండా డైమెన్షన్ 9400 చిప్‌సెట్‌ను ప్రాసెసర్స్‌తో విడుదల కాబోతున్నట్లు తెలుస్తోంది.