Gold Rate: ఆ సంతోషం ఒక్కరోజే.. తగ్గినట్లే తగ్గి మగువలకు మళ్లీ షాకిచ్చిన బంగారం ధర.. పెరిగిన పసిడి ధరలు

 Today Gold Rates: బంగారం, వెండి ధరలు శనివారం మరోసారి పెరిగాయి. గురువారం భారీగా తగ్గిన బంగారం ధర, శుక్రవారం, శనివారం మరోసారి భారీగా పెరిగాయి. బంగారం ధర తగ్గిందన్న ఆనందం పసిడి ప్రియుల్లో ఒక్కరోజు మాత్రమే ఉంది. మరోసారి భారీగా పెరగడంతో భవిష్యత్తులో బంగారం ధర లక్ష దాటడం ఖాయమనే నిర్ణయానికి వచ్చారు.   

ఆల్ ఇండియా బులియన్ అసోసియేషన్ ప్రకారం, వివాహాలు, పండుగల కోసం స్థానిక నగల వ్యాపారులు,  రిటైలర్లు తాజా కొనుగోళ్ల కారణంగా ధరలు పెరిగాయి.శనివారం  బంగారం ధర రూ.500 పెరిగి రూ.80,000కి చేరుకుంది. శనివారం నాడు 99.9 శాతం స్వచ్ఛత కలిగిన బంగారం ధర 10 గ్రాములకు పడిపోయి రూ.79,500 పలుకుతోంది.  వెండి కూడా కిలోకు రూ.800 పెరిగి రూ.94,600కి చేరుకోగా, క్రితం రోజు కిలో ధర రూ.93,800 వద్ద ముగిసింది.

పెళ్లిళ్ల సీజన్‌కు స్థానిక నగల వ్యాపారుల నుంచి డిమాండ్‌ పెరిగిందని వ్యాపారులు చెబుతున్నారు. అలాగే, అమెరికా డాలర్‌తో రూపాయి పతనం కారణంగా, పెట్టుబడిదారులు సురక్షితమైన పెట్టుబడిగా బంగారంపై పందెం కాస్తున్నారు. దీంతో బంగారం ధరలో పెరుగుదల కనిపించిందని చెబుతున్నారు.   

మల్టీ కమోడిటీ ఎక్స్ఛేంజ్ (MCX)లో ఫ్యూచర్స్ ట్రేడ్‌లో, డిసెంబర్ డెలివరీ కోసం బంగారం కాంట్రాక్టులు రూ.198 లేదా 0.26 శాతం తగ్గి 10 గ్రాములకు రూ.77,213 వద్ద ట్రేడవుతున్నాయి.   

డాలర్ ఇండెక్స్‌లో బలం, ఫెడరల్ రిజర్వ్ (ఫెడ్) పాలసీ ప్రకటనలో బంగారం బలహీనంగా ఉండటం కూడా బంగారం పెరుగుదలకు కారణమని నిపుణులు చెబుతున్నారు.  ఇది 0.25 శాతం రేటు తగ్గింపు అంచనాలకు అనుగుణంగా ఉందని  LKP సెక్యూరిటీస్‌లోని VP రీసెర్చ్ అనలిస్ట్, కమోడిటీ అండ్ కరెన్సీ జతిన్ త్రివేది అన్నారు.

ఫెడ్ ఔట్‌లుక్, ద్రవ్యోల్బణం దాని 2 శాతం లక్ష్యం వైపు కదులుతున్నందున బంగారం ధరలకు మద్దతు ఇవ్వడానికి కొత్త కారణం లేదు. డొనాల్డ్ ట్రంప్ ఎన్నికల విజయం తర్వాత బంగారంలో ప్రాఫిట్ బుకింగ్ కొనసాగిందని త్రివేది చెప్పారు.  

అమెరికా డాలర్ బలపడటంతో బంగారం ధర శుక్రవారం నాడు 2,700 డాలర్ల స్థాయి కంటే దిగువకు పడిపోయిందని కమోడిటీ నిపుణుల అభిప్రాయం. గురువారం అమెరికా ఫెడ్ వడ్డీరేట్లను తగ్గిస్తున్నట్లు ప్రకటించింది. ఇది బంగారం ధరను మరింత పెంచే అవకాశం ఉంది.  ఎందుకంటే పెట్టుబడిదారులు తక్కువ వడ్డీ రేటు వాతావరణంలో బంగారం వైపు మొగ్గు చూపుతారు.