Mohan Babu Top Movies: పెదరాయుడు సహా మోహన్ బాబు కెరీర్‌లో టాప్ చిత్రాలు ఇవే..
పెదరాయుడు.. మోహన్ బాబు ద్విపాత్రాభినయంలో సూపర్ స్టార్ రజినీకాంత్ ప్రత్యేక పాత్రలో నటించిన సినిమా 'పెదరాయుడు'. రవిరాజా పినిశెట్టి దర్శకత్వంలో తెరకెక్కిన ఈ సినిమా బాక్సాఫీస్ దగ్గర ఇండస్ట్రీ హిట్‌గా నిలిచింది. అంతేకాదు ఎన్నో రికార్డులను మడతపెట్టేసింది. ఈ సినిమా తర్వాత మోహన్ బాబుకు పెదరాయుడు పేరు అనేది పర్యాయపదంగా మారింది.
అల్లుడు గారు.. కే.రాఘవేంద్రరావు దర్శకత్వంలో తెరకెక్కిన 'అల్లుడు గారు' సినిమాతో హీరోగా పునర్వభవం అందుకున్నారు మోహన్ బాబు. ఈ సినిమా బాక్సాఫీస్ దగ్గర సిల్వర్ జూబ్లీ జరుపుకుంది. ఈయన కెరీర్‌లో ప్రత్యేక స్థానం ఉంది.
అసెంబ్లీ రౌడీ.. బి.గోపాల్ దర్శకత్వంలో తెరకెక్కిన 'అసెంబ్లీ రౌడీ' సినిమాతో మోహన్ బాబు దశ తిరిగింది. ఈ సినిమా సక్సెస్‌తో ఈయన పేరు ముందు నట ప్రపూర్ణ కాకుండా.. కలెక్షన్ కింగ్ బిరుదు వచ్చి చేరింది. ఈ మూవీ తర్వాత హీరోగా మోహన్ బాబు వెనుదిరిగి చూసుకోలేదు.
మేజర్ చంద్రకాంత్..
మోహన్ బాబు హీరోగా నటిస్తూ.. అన్న ఎన్టీఆర్ టైటిల్ పాత్రలో దర్శకేంద్రుడు కే.రాఘవేంద్రరావు తెరకెక్కించిన సినిమా 'మేజర్ చంద్రకాంత్'. నటుడిగా ఎన్టీఆర్ నటించిన చివరి చిత్రం. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది. అన్నగారి చిత్రంగా పేరు తెచ్చుకున్న ఈ సినిమాలో మోహన్ బాబు మరో హీరోగా నటిస్తూ నిర్మించడం విశేషం. ఈయన కెరీర్‌లో డిఫరెంట్ చిత్రంగా నిలిచిపోయింది.
బ్రహ్మ.. బి.గోపాల్ దర్శకత్వంలో తెరకెక్కిన 'బ్రహ్మ' మూవీ కూడా బాక్సాఫీస్ దగ్గర బంపర్ హిట్‌గా నిలిచింది. ఈ సినిమాలో శిల్పా శిరోద్కర్, ఐశ్వర్య హీరో, హీరోయిన్స్‌గా నటించారు. బప్పీలహరి సంగీతం అందించారు.
అడవిలో అన్న
బి.గోపాల్ దర్శకత్వంలో తెరకెక్కిన 'అడవిలో అన్న' సినిమా బాక్సాఫీస్ దగ్గర మంచి విజయం సాధించింది. ఈ సినిమాలో రోజా కథానాయికగా నటించింది.
రౌడీ గారి పెళ్లాం..
రౌడీ గారి పెళ్లాం సినిమాను కే.రాఘవేంద్రరావు తమ్ముడు కే.యస్.ప్రకాష్ రావు దర్శకత్వం వహించారు. ఈ సినిమా బాక్సాఫీస్ దగ్గర సూపర్ హిట్‌గా నిలిచింది.
అల్లరి మొగుడు..
కే.రాఘవేంద్రరావు తన సొంత బ్యానర్ ఆర్.కే.ఫిల్మ్ అసోసియేట్స్ పై 'అల్లరి మొగుడు' సినిమాను తెరకెక్కించారు. రమ్యకృష్ణ, మీనా హీరయిన్స్‌గా నటించిన ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది.
శ్రీరాములయ్య..
ఎన్. శంకర్ దర్శకత్వంలో పరిటాల రవి నిర్మాతగా మోహన్ బాబు హీరోగా తెరకెక్కిన 'శ్రీరాములయ్య'. ఈ సినిమా బాక్సాఫీస్ దగ్గర సంచలన విజయం సాధించింది.
కలెక్టర్ గారు.. బెజవాడ గోపాల్ దర్శకత్వంలో మోహన్ బాబు హీరోగా తెరకెక్కిన సినిమా 'కలెక్టర్ గారు'. ఈ సినిమా బాక్సాఫీస్ దగ్గర మంచి సక్సెస్ అందుకుంది. ఈ సినిమాలతో పాటు మోహన్ బాబు కెరీర్‌లో పలు సూపర్ హిట్ చిత్రాలున్నాయి.