Relationship Goals: మీ వైవాహిక జీవితం బాగుండాలి అంటే ఈ 5 చిట్కాలు పాటించండి

ఎన్ని కష్టాలు వచ్చినా ఒకరికి ఒకరు తోడుంటే కష్టాలు కూడా ఇష్టాలుగా మారిపోతంటాయి. అందుకే ఒకరికి ఒకరు ఎప్పుడూ అండగా ఉండేలా చూసుకోండి. కష్టాలు, సుఖాలను సమంగా పంచుకోండి.

ఆఫీసులో మీరు బాస్ అయినా.. ఇంట్లో మాత్రం మీరు ఒక భార్య, లేదా భర్త అని గుర్తంచుకోండి. ఇంట్లో మీరు చేయాల్సినవి అలాగే చేయాలి. దాపరికాలు లేకుండా ఓపెన్ గా ఉండాలి. ఎలాంటి అభద్రతా భావం లేకుండా ఉండాలి.  

కుటుంబం, సంపాదన మధ్య వ్యక్తులకు సొంతంగా ప్రైవేట్ టైమ్ లభించడం లేదు. అందుకే మీరు మీకుగా ఒక మీ టైమ్ ( Me Time ) ను ఫిక్స్ చేసుకోండి. అప్పుడు ఒంటరిగా ఉంటూ మీకు నచ్చిన పని చేయండి. మీ భాగస్వామికి కూడా మీ టైమ్ కేటాయించండి.

తప్పు, ఒప్పులు జీవితంలో సాధారణం.అయితే తప్పులు జరిగినప్పుడు మీరు మీ భాగస్వామిని ఎలా రిసీవ్ చేసుకుంటున్నారు అనేదే చాలా ఇంపార్టెంట్. ఏదైనా తప్పు జరిగింది అని మీ జీవిత భాగస్వామి చెబితే వారు చెప్పేది పూర్తిగా విని సరి చేసుకునే అవకాశం ఇవ్వండి.

ఎంత బిజీగా ఉన్నా ఒకరితో ఒకరు సమయం వెచ్చించేందుకు ప్రయత్నించండి. దాని కోసం ఒక టైమ్ నిర్ణయించుకుని ముందే సిద్ధం అవ్వండి.    

గొడవలే లేని సంసారం.. పడవలు లేని సాగరం ఉండదు కదా... అందుకే గొడవలు వస్తే అందులో పాయింట్ పై గొడవపడవచ్చు. దాని వల్ల ఒక నిర్ణయం బయటికి రావాలి. అంతే కాని గోడలు కూలిపోయేలా, టాప్ లేచిపోయేలా ఉండకూడదు.