YS Jagan Vs Sharmila: అరెరే..జగన్, షర్మిళ ఉదంతం అచ్చం బాలయ్య బ్లాక్ బస్టర్ సినిమాను తలపిస్తుందే..
YS Jagan Vs Sharmila: ప్రస్తుతం ఏపీలో మాజీ సీఎం జగన్మోహన్ రెడ్డి, ఆమె రక్తం పంచుకు పుట్టిన చెల్లెలు షర్మిల ఉదంతం అచ్చం బాలయ్య బ్లాక్ బస్టర్ చిత్రం ‘వీరసింహారెడ్డి’ సినిమాను గుర్తుకు తెస్తుందంటున్నారు వైయస్ఆర్ పార్టీకి చెందిన వీరాభిమానులు.
బాలయ్య హీరోగా నటించిన ‘వీరసింహారెడ్డి’ సినిమాలో అన్నయ్య చావు కోసం తన భర్తతో కలిసి ఎన్నో పథకాలు రచిస్తుంది. అలాగే నిజ జీవితంలో వైయస్ షర్మిల కూడా ప్రత్యర్థుల ఉచ్చులో చిక్కుకొని సొంత అన్నయ్యకు వెన్నుపోటు పొడుస్తుందని వైయస్ఆర్ పార్టీ అభిమానులు చెప్పుకుంటున్నారు.
వీరసింహారెడ్డి సినిమాలో తన భర్తతో కలిసి అన్నయ్యను చంపేస్తోంది చెల్లెలు. కానీ నిజ జీవితంలో అన్నయ్య వైయస్ జగన్ మోహన్ రెడ్డిని రాజకీయ సమాధి చేయడానికే షర్మిల కంకణం కట్టుకుందనే విషయం స్పష్టమవుతోంది.
ఆస్తుల విషయంలో అన్నా చెల్లెళ్లైన జగన్మోహన్ రెడ్డి, షర్మిల ఒకరికొకరు లేఖాస్త్రాలు సంధించుకుని రాజకీయంగా కాక రేపారు. ఇందులో ఎవరి వెర్షన్ వారిదే.
వైయస్ జగన్ మోహన్ రెడ్డి అభిమానులు అయితే.. చెల్లి షర్మిళకు తండ్రి ఆస్తితో పాటు .. తాను సొంతంగా సంపాదించిన ఆస్తిలో ఓ భాగం కూడా ఇచ్చారు. ఇలా సొంత ఆస్తిని పంచిన అన్న బహుశా ప్రపంచంలో ఎవరు ఉండరని వైసీపీ అభిమానులు సోషల్ మీడియా వేదికగా పోస్టులు చేస్తున్నారు.
మొత్తంగా ఏ కుటుంబంలో వివాదాలు లేవు అని ప్రశ్న కూడా లేవనెత్తారు. నందమూరి బాబాయి అబ్బాయిలైన బాలయ్య, జూనియర్ ఎన్టీఆర్ మధ్య పొసగడం లేదు. అటు దగ్గుబాటి ఫ్యామిలీతో నారా కుటుంబానికి సరైన సత్సంబంధాలు లేవు. అలాంటి వాళ్లా.. జగన్ కు నీతులు చెప్పేది అని ప్రశ్నిస్తున్నారు.
ఏది ఏమైనా వైయస్. జగన్, షర్మిల ఉదంతం అచ్చం బాలయ్య బ్లాక్ బస్టర్ చిత్రాన్ని గుర్తుకు తెస్తుందనే వాదన కూడా లేకపోలేదు.