Giant King Cobras Fight: ఒకటి కాదు రెండు కాదు.. ఫిమేల్ కింగ్ కోబ్రా కోసం 5 గంటల పాటు కొట్టుకున్న రెండు మేల్ కింగ్ కోబ్రాలు!

Two Male King Cobras Fight for Female King Kobra for 5 Hours: ఆడదాని కోసం రాజ్యాలే కూలిపోయాయని ఎనకట ఓ సామెత ఉంది. రాజ్యాధికారం కోసం కాకుండా.. స్త్రీ కోసం యుద్ధం జరిగిన ఘటనలు ఎన్నో ఉన్నాయని మన పెద్దలు చెబుతారు. అమ్మాయి కోసం ఇద్దరు అబ్బాయిలు కొట్టుకున్న పలు సినిమా కూడా ఉన్నాయి. కేవలం సినిమాలలోనే కాదు.. రియల్ లైఫ్‌లో కూడా స్త్రీ కోసం కొట్టుకున్న చాలా మందిని మనం చూసే ఉంటాం. అమ్మాయి కోసం పోరాడి చనిపోయిన వారు ఎందరో ఉన్నారు. కేవలం మనుషులే కాదు జంతువులు కూడా కొట్టుకుంటాయి. అందుకు ఉదాహరణే ఈ వీడియో. 

ఈ భూ ప్రపంచంలో ప్రతి జంతువుకు ఓ మేటింగ్ సీజన్ (సంభోగ కాలం) ఉంటుంది. పాములకు కూడా సంవత్సరంలో మూడు నెలల మేటింగ్ సీజన్ ఉంటుంది. మేటింగ్ సీజన్‌లో ప్రతి పాము తమ జాతికి చెందిన పాముతో సంభోగం చేయడానికి ఆరాటపడుతుంది. ఈ క్రమంలోనే మేల్ కింగ్ కోబ్రా వాసన ద్వారా దగ్గరలో ఉన్న ఫిమేల్ కింగ్ కోబ్రాను పసిగడుతుంది. రెండు కలుసుకుని సంభోగంలో పాల్గొంటాయి. 

సోషల్ మీడియాలో వైరల్ అవుతున్న వీడియోలో రెండు మేల్ కింగ్ కోబ్రాలు.. వాసన ద్వారా దగ్గరలోని ఫిమేల్ కింగ్ కోబ్రా కోసం వెతుకుంటాయి. ఫిమేల్ కింగ్ కోబ్రా దగ్గరకు రాగానే.. రెండు మేల్ కింగ్ కోబ్రాలు ఒకడానికిమరొకటి తారసపడుతాయి. దాంతో అవి రెండు పోట్లాడుకుంటాయి. అవి రెండు దాదాపుగా ఐదు గంటల పాటు పోరాడతాయి. చివరకు ఓ పాము తన ఓటమిని అంగీకరించి అక్కడి నుంచి వెళ్ళిపోతుంది. 

ఫిమేల్ కింగ్ కోబ్రా కోసం రెండు మేల్ కింగ్ కోబ్రాలు పోరాడిన వీడియోను 'Smithsonian Channel' అనే యూట్యూబ్ ఛానెల్లో అప్ లోడ్ చేశారు. నిజానికి ఈ వీడియో ఓ సంవత్సరం క్రితందే అయినా ఇప్పుడు ట్రెండింగ్ అవుతోంది. ఈ వీడియో చూసిన నెటిజన్లు కింగ్ కోబ్రాల ఫైట్ చూసి ఆశ్చర్యం వ్యక్తం చేస్తున్నారు. ఈ వీడియోకి 906,960 వ్యూస్ వచ్చాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.