Anant Chaturdashi 2023: రేపు అనంత చతుర్దశి.. గణపతి నిమజ్జన సమయంలో ఈ విషయాలు గుర్తించుకోండి..

Anant Chaturdashi Visarjan Time: దేశవ్యాప్తంగా గణేష్ ఉత్సవాలు ఘనంగా జరుగుతున్నాయి. రేపే వినాయక నిమజ్జనానికి చివరి రోజు. దీనినే అనంత చతుర్దశి అంటారు. ఈ రోజున మహావిష్ణువు యొక్క అనంత రూపాన్ని పూజిస్తారు. భాద్రపద మాసంలోని శుక్ల పక్ష చతుర్దశి నాడు అనంత చతుర్దశి జరుపుకుంటారు. ఈ రోజున ఆచారాల ప్రకారం, గణపతిని పూజించి.. నిమజ్జనం చేస్తారు.  ఈ రోజున ఇంట్లో సమస్యలన్నీ వినాయకుడి తీసుకెళ్తాడని నమ్ముతారు. 

అనంత చతుర్దశి  శుభ సమయం
భాద్రపద మాసంలోని శుక్ల పక్ష చతుర్దశి తిథి 28 సెప్టెంబర్ 2023 ఉదయం 06:12 గంటలకు ప్రారంభమై... 28 సెప్టెంబర్ 2023 సాయంత్రం 06:51 గంటలకు ముగుస్తుంది.
శుభ చోఘడియ - 06:12 నుండి 07:42 వరకు
చార్ చోఘడియ - 10:42 నుండి 12:11 వరకు
లబ్ చోఘడియా - 12:11 నుండి 01:30 వరకు
శుభ చోఘడియా - 04:41 నుండి 06:11 వరకు
రాహుకాలం - మధ్యాహ్నం 01:30 నుండి 03:20 వరకు

అనంత చతుర్దశి పూజా విధానం
నిమజ్జనం రోజున వినాయకుడిని భక్తిశ్రద్ధలతో పూజించాలి. ఈరోజున గణపతికి ఎర్రచందనం, ఎర్రపూలు, దుర్వ, శెనగపిండి లడ్డూలు, తమలపాకులు, అగరుబత్తీలు మొదలైన వాటిని సమర్పించాలి. అనంతరం గణపతికి హారతి ఇవ్వాలి. వినాయకుడికి వీడ్కోలు పలికేటప్పుడు అతని మెడలో లడ్డూల దండ వేయాలి. నిమజ్జన సమయంలో నల్లని బట్టలు ధరించవద్దు. నిమజ్జన సమయంలో పరిశుభ్రతపై దృష్టి పెట్టండి. అంతేకాకుండా పూర్తి గౌరవంతో వీడ్కోలు పలకండి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.